→ كل الوصفات
محشي ورق عنب
المقادير
- ½ كيلو ورق عنب مسلوق في ماء وزيت وليمون
- ½ كيلو ارز مصري
- 4 بصلات مقطعة
- كيلو عصير طماطم
- بقدونس وكزبره وشبت
- ملح وفلفل أسود حسب الرغبة
- كمون
- كزبره ناشفه
- مرقه فراخ او لحمة
طريقة التحضير
- نغلي ماء ونحط فيها ملعقة زيت لحد الغليان وعصره ليمون ونحط ورق العنب فيها لمده دقيقه واحده ونطلعه
- هنضرب الطماطم في الخلاط ونقطع البصل صغير وندعكه بالبهارات كويس هتفرق في الطعم جداً
- هنقدح السمنه وكتري الزيت عشان المحشي يبقى بيلمع ومفلفل كده ونضيف الطماطم وبعديها نحط البصل ونخفف النار لحد مايتسبكوا ونضيف خضره المحشي ونطفي النار
- هنحط التسبيكه على الرز ونبهر الرز كويس ونلف المحشي كويش ومنكترش الرز عشان ميفكش ونحط الرز على الناحيه الخشنه لحد مانخلص الكميه ونقطع ليمون شرايح ونحطها على الوجه ونزود الشوربه للمحشي ونحط طبق على وجه الحله عشان المحشي ميفكش ومنخليش الشوربه تغطي اخر رصه ن ورق العنب ولما يستوي نعصر عليه الليمون وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد