→ كل الوصفات

محشي

طريقة عمل محشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كمية باذنجان متأوّرة أو كرنب مسلوق ومتقطع
  • أرز حسب كمية الباذنجان أو الكرنب
  • عصير طماطم
  • حبتين او 3 طماطم مبشورة
  • بصلاية مبشورة
  • 2 حبات بصل متقطع
  • خضرة شبت وبقدونس وكزبرة متقطعين
  • معلقة صغيرة من التوابل
  • زنجبيل باودر
  • كمون
  • فلفل أسمر
  • بابريكا
  • ملح
  • كزبرة ناشفة
  • رشة قرفة
  • توم وبصل باودر
  • معلقة كبيرة او اتنين صلصة معلبة
  • شوربة
  • سمنة بلدي
  • 3 او 4 فصوص ثوم مفرومين
  • 3 او 4 حبات فلفل أخضر متقطعين حسب كمية الأرز
  1. نجيب حلة لعمل خلطة المحشي هنسيح فيها السمنة ونحمر البصل المتقطع لحد ما ياخد لون
  2. قبل ما يدبل البصل نحط الثوم والفلفل المتقطع وبعد ما يتحمر والبصل ياخد لون ننزل بعصير الطماطم ونضيف الصلصة ونقلب كويس
  3. نستنى لحد ما الطماطم تتسبك كويس ويجف منها الماء ونضيف التوابل كلها ونقلب
  4. هنحط الارز على الطماطم المتسبكة ويكون مغسول ومتصفي كويس
  5. نضيف الخضرة والطماطم المبشورة والبصل المبشور ونخلط كل دة كويس مع الارز
  6. نبدأ نعبئ الباذنجان أو نلف الكرنب وبعدين نرصّه في حلة ونضيف عليه الشوربة لحد ما تغطيه على نار عالية واول ما الشوربة تغلي نهدي النار ونغطي عليه لحد ما يستوي وبالهنا
عجبتك الوصفة؟
شوف كل وصفاتنا في مكان واحد
كل الوصفات →