→ كل الوصفات
طريقة عمل مخشى كوسا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو ونص كوسا محفورة ومنقوعه في ميه وملح
- 0.5 كيلو لحمه مفرومه
- بصلتين مفرومين ناعم
- 3 فصوص ثوم مهروس
- 0.5 معلقه نعناع ناشف
- كيلو زبادي
- معلقتين نشا
- 0.5 ليمونه
- ملح وفلفل اسود
- بقدونس مفروم صنوبر محمر للزينه
- 0.5 كوب زيت ذره
طريقة التحضير
- في طاسه على النار هحط شويه زيت وأحط البصل واقلب شويه وأضيف اللحمه المفرومة واقلب لحد ماتتحمر وأضيف الملح والفلفل الأسود ورشه نعناع ناشف واقلب كويس وأضيف شويه ميه واغطيها لحد ماتتستوى
- احشى الكوسا باللحمة المفرومه وفى طاسه على النار اسخن الزيت واقلى الكوسا واطلعها على ورق مطبخ علشان يمتص الزيت وفى حله هحط شويه ميه واسبها على النار وأحط الكوسا لحد ماتستوى
- في الخلاط هحط الزبادي والنشا وعصير الليمون وضربهم كويس وأحط اللبن على النار مع معلقه سمنه وأفضل أقلب لحد مايغلى وأضيف الكوسا بعد ماتستوى واسبها تغلى في اللبن شويه وممكن ازودها شويه شوربه
- في طاسه صغيره هحط معلقه سمنه واحط الثوم المهروس واحمره واضيفه الكوسا واسبها تغلى غلوتين واطفى واصبها في صحن التقديم وازينها بالبقدونس والصنوبر
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد