→ كل الوصفات

مخلل الجزر والحار

هو مخلل مرافق للأكلات وهايل عن تجربة اول مرة جربتو

  • 4 حبات جزر
  • حسب الرغبة ... 2حبات الحار
  • 5 او 6 فصوص كبار ثوم
  • 1/2 كاس خل
  • 3 ملاعق كبار ملح
  • ملعقة كبيرة سكر
  • 2 ورق رند بالمعنى ورق الغار
  • زعيترة للذوق
  • شريحتين ليمون 🍋
  1. في كاسرونة نحطو ليتر ماء وفيه الملح والسكروالخل مع بعض يغليو ونقصو للنار باش ماينقصش الماء بزاف ونسحقوه وهو يغلي باش نضيفوه للحار تاعنا
  2. وفي جهة اخرى نلبسو قفازات باش نقيو الحار تاعنا لي تكون مغسولة ممباعد نفتحو فوق ونضغط باش يتنقى من الزريعة وتخرج وحدها ونقطعوها دوائر ولا طولي كيما تحبو
  3. والجزر نقوه ونقطعو مربعات صغيرة
  4. الثوم تقدرو تقطعوه طولي ولا عرض ولا تخلوها عادي اذا كانت صغيرة
  5. في بلارة تاع زجاج تحطو الحار والثوم والجزر والرند وزعيترة ونحطو عليهم هداك الماء لي خليناه يغلي وهو مازال يغلي نديروه على المكونات السابقة ونغلقو عليه ونخلوه مدة 24ساعة وتقدرو تبداو تاكلو منو والله هايل
عجبتك الوصفة؟
شوف كل وصفاتنا في مكان واحد
كل الوصفات →