→ كل الوصفات
طريقة عمل مخلل الزيتون المظبوط 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس ملح🍶
- 2 ك زيتون تفاحى حسب الكميه اللى هتعمليها تزودى او تقللي المقادير
- معلقتين كبار عصفر
- معلقتين كبار او 3 حبة البركة
- بشر جزرتين
- 4 فصوص ثوم كبار صحيح زى ماهو
- ماء مغلي مسبقا ويترك حتى يبرد💧
- 1/2كيلو عصير ليمون نعصرهم ونسيب القشر
- زيت
- كوب الا ربع خل (بس السنه دى الزيتون مش زى كل سنه فا ممكن نستغنى عنه او لوحبينه طري ويستوى اسرع نضيفه)
- 3عيدان كرفس الاخضر
- 1/2 كيلو فلفل احمر بلدي بارد
- 3 او 4 حبات شطه خضره
طريقة التحضير
- نشقق الزيتون 3شقات مالجناب وننقعه في ماء ونغيرها مرتين تلاته فاليوم عشان الحر مش يبوظ الماء ولمدة 3 ايام نغيرله الماء عشان المرارة اللى فالزيتون تروح
- بعد 3 يوم نغلى حلة ماية ونسيبها تبرد خالص وندق الفلفل الاحمر او نضربه فالكبه ضربه واحدة او 2ونحط فالبرطمان طبقة فلفل وطبقة زيتون وبعدين طبقة بشر الجزر وبعدين طبقة عصفر وحبة البركة على خفيف والشطة الخضرا ونكرر لحد قبل مالبرطمان يخلص بصابع كدة هنسيبه عشان هنحط فالاخر قشر الليمون
- نحط الماء وندوب فيها الملح ونقلبهم سوا وننزلها فالبرطمان ونحط فصوص الثوم والكرفس ونحط قشر الليمون والزيت عالوش ونقفل البرطمان بكيس مفتوح تحت الغطا ونقفله كويس ونسيبه اسبوع ونفتح عليه لو استوى نستعمله وناكل منه وفيه نوع بياخد 12يوم لحد مايستوى والزيتون التفاحى مش بيتخزن بالشهور زى العزيزي دة للاكل على طول وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد