→ كل الوصفات

مخلل الفجل الكوري

جربته مرة في مطعم كوري وعجبني مرة في سويته في البيت بطريقة اسهل و اسرع لان هذا المخلل يحتاج شهر كامل وبعدها نقدر ناكل منه ف طريقتي خلال اربع ساعات يكون جاهز ويفضل بعد يومين #مخلل #دايت #صحي #نباتي

  • 600 غرام او حبة فجل ابيض كبير كوري -العادي اللي متوفر في السوق مب نفس الكوري بحط الصورة تحت-
  • 200 مل خل الارز
  • 350 مل ماء
  • 120 غرام سكر او نص كوب هو بالعادة حالي مرة انا استخدمت اقل حوالي ربع كوب سكر (السكر في التخليل عادي عشان لا يعفن يحتاج سكر)
  • ملعقة كبيرة ملح
  • 1/4 ملعقة شاي كركم
  • 5 حبات فلفل اسود
  1. احط مكونات التخليل في قدر واخلط بعدها اشغل النار واخليه لين يغلي
  2. لين يغلي ابدا اقص الفجل دوائر او اصابع الشكل اللي تبيه وبعدها احط الفجل في مرطمان معقم(مرطمان احطيه في ماي مغلي حوالي خمس دقايق)
  3. بعد ما يغلي الخليط اطفي النار عليه واخليه شوي يبرد وبعدها احط حوالي ربع كوب في البرطمان عشان لاينكسر بعدها بدقيقة البرطمان يكون دفى اقدر احط باقي الخليط واخليه يبرد و هو مغطي مب مغلق وبعدها اسكره واحطه في مكان بحرارة الغرفة بعدها بيومين يكون جاهز للاكل
  4. وتقدم ك طبق جانبي انا حطيته مع نودلز الارز وكان باقي من مسقعة صحية
عجبتك الوصفة؟
شوف كل وصفاتنا في مكان واحد
كل الوصفات →