→ كل الوصفات

مخلل اللفت مع الشمندر

ولا ازكى ولا اروع من هيك طعم وهيك لون

  • كيلو لفت
  • 2 حبة شمندر
  • 10 كاسات ماء
  • كاسة ملح (اذا بتحبي ملح اخف حطي 11 كاسة ماء)
  • رشة حامض ليمون
  • 2 حبة فلفل اخضر
  1. نقطع الفت بالشكل المناسب ونقطع الشمندر ل ٤ اقسام كل حبة
  2. نغسل اللفت جيداً نعبئه بالمرطبان مع الفلفل والشمندر وفي وعاء آخر نخلط الماء والملح ورشة صغيرة حامض ليمون ونحركهم حتى يذوب الملح
  3. نضيف الماء والملح فوق اللفت ونغلق المرطبان جيداً ونتركه الى حين الاستواء
  4. بالبداية بيكون لونه زهري فاتح وبعدين بيصير اغمق. انا قشرت اللفت، في ناس بتحب تخلي بقشره لك حرية الاختيار ونتركهم اقل شي اسبوع او ١٠ ايام
  5. اذا حبيتي يستوي اسرع، بعد تقطيع اللفت ضيفي عليه كمية ملح وحطيه بجاط كبير وخليه يومين بعدين بتكبسي بس هيك اطيب علشان ما يصير المخلل طري
عجبتك الوصفة؟
شوف كل وصفاتنا في مكان واحد
كل الوصفات →