→ كل الوصفات
وصفة بنتوارثها من اجدادنا دايما مفيش بيت مكنش عنده جدة بتحب تعمل مخللات زي ليمون وجزر وخيار ولفت و زيتون وغيرهم ربنا يرحمهم من مات منهن ويبارك ف عمرهم لكل حد لسه عايش ويديهم صحة ربنا يرحمك يا تيتا و يا جدتي
المقادير
- ك لفت
- 1 حبة بنجر كبير مقطع شرايح
- 2 جزر شرايح (اختياري)
- قرنبيط قطع (اختياري)
- 1/4 كوب ملح
- ماء كافي لتغطيه برطمان ممكن 3 كوب ماء
- 1/2 كوب ملح
- م ك شطة
طريقة التحضير
- هجيب لفت وانضفه بسكينه من زوايد اللي فيه وبعدين اقطعه صوابع او ممكن مكعبات زي ماتحبي
- وبعدين اغسله كويس اوي من اي اتربه فيه بالماء كويس اوي اوي وبعدين اصفيهم ف المصفى واحط عليه من فوق ١/٤ كوب ملح واسيبها حوالي ساعة علشان يكون اتصفى تماما واضمن ان كل حاجه فيه نزلت وانه بقى نضيف
- اجيب برطمان مخلل بتاعي و احط فيه شريحه بنجر واحط بعد كده طبقه لفت وبعدين احط جزر وبعدين قرنبيط ودول اختياري وبعدين احط شريحه بنجر واحط لفت وهكرر خطوات لحد ما برطمان يتملي تماماً
- هجيب ٣ كوب ماء قابلين للزيادة او نقص وادوب فيهم ١/٢ كوب ملح ومعلقه كبيرة شطة كويس اوي واصبهم ف برطمان لحد مايتغطى تماماً واغلق برطمان واسيبه لحد ما يستوي هياخد تقريبا من ٤ : ٥ ايام وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد