→ كل الوصفات
#المريول_الذهبي بما اني كنت ابحث عن وصفات فيها شومر لقيت هذي الوصفة عند صديقتي واستأذنتها انشرها .. بس قلت لها اذا سوتها مرة ثانية راح اشتريها منها
المقادير
- 3 حبات مانجو 🥭
- بهارات صحيحة
- شومر وخردل وحبة سودة وسنوت وحلبة وكمون
- بهارات بودرة
- ملح حسب الذوق وفلفل احمر مجروش وبابريكا حار "كله حسب الذوق"
- كوب زيت خردل
- 1/4 فنجان خل
طريقة التحضير
- نقطع ٣ حبات مانجو 🥭
- نجهز البهارات الصحيحة ونحمسها حمس خفيف بس تدفى وبعدها نطحنهم طحن خشن
- نحط البهارات البودرة على المانجو 🥭 المقطع مع ربع فنجان خل وبعدها نحط البهارات الصحيحة ما عدا حبة البركة والسنوت والشومر
- نسخن زيت الخردل وننتظره بعدها يدفى ونحطه على الخلطة ونهز زجاجة المخلل حتى تتغلغل البهارات في المانجو
- نضيف الشومر والسنوت وحبة البركة صحيحين مو مطحونين حتى يطلع طعمهم في الشمس 🌞 بعدها نسكر الزجاجة ونحطها في الشمس ٣ الى ٤ ايام.. وبالعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد