→ كل الوصفات
اكلة سريعة وجميلة وتشبع جدا جدا 😍
المقادير
- زيت
- 1 بصل (مبشوورة)
- معلقتين صلصة طماطم او (ماء و2 طماطم (كبيرة) مبشورة)
- ملح (على حسب الحُدق والكميه الى هتطبخيها)
- رشتين فلفل
- رشتين كمون
- رز مغسول على حسب الاحتياج
- 2 بطاطس (وسط) مقطعة مكعبات صغيره
- مكعب ماجي (لو حبيتي الطعم يكون اجمل)
طريقة التحضير
- حطي الزيت في الحلة وخليه يسخن وانزلي عليه بالبصلة وشوحيها لحد م يبقى لونها دهبي "كل ده على نار عاليه"
- انزلي بصلصة الطماطم او ماء الطماطم المبشورة "نار وسط"
- حطي عليهم الملح والفلفل والكمون وقلبي كويس عشان تدمجي الصلصه مع البصل والملح والفلفل والكمون "نار وسط قريبه من العالي"
- انزلي بالبطاطس المتقطعة عليهم و قلبيها فيهم لحد ما تحمر "نار عالية"
- ضيفي عليهم ماء بحيث الماء تزيد عن البطاطس بمقدار عقلة صباع..(ولو حبيتي تحطي مكعب ماجي لطعم اجمل ممكن تحطي) وقلبي كويس و النار عاليه لحد ما هتلاقي الماء بتقل معاكي والبطاطس استوت و اتشاربت للمية
- لما تستوي البطاطس انزلي عليه بالرز وقلبي كويس والنار عاليه
- ضيفي ماء على رز بحيث ان الماء تكون اعلى من الرز بمقدار عقلة ونص "وتكون النار عاليه" وتسبيها تغلي والرز يستوى وتغطي الحلة
- لما الرز والبطاطس يتشاربوا الماء والمية تقل والرز يبدأ يبان تاني "تهدي النار" وتقلبي كل شوية لحد ما الرز تدوقيه وتلاقيه استوى ومش بيقرقش. وبالهنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد