→ كل الوصفات
طريقة عمل مدفونه الجمبري ❤️😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو جمبري
- بصله كبيره
- ملح وفلفل اسود حسب الرغبه
- معلقه صغيره توابل سمك
- 1/2 معلقه صغيره كمون
- نص معلقه صغيره توم بودر
- ورقتين لوري
- 2 حبهان
- فص مستكه
- 1/3 معالق زيت
- 1/2 كيس رز
- ½ معلقه كاري
- رشه قرفه
طريقة التحضير
- هنقشر الجمبري وننقعه في ملح ومايه وبعدين نصفيه ونجيب شويه دقيق وندعكهم بيه كويس اوي لحد ماينضف ع الاخر وبعدين نشطفه ونسيبه يصفي مايته
- بعدين في حله نقطع البصله ونحط عليها الزيت ونقلب لحد ماالبصله تبقي لونها بني وننزل بالمايه المعيار اللي تحبيه الكميه دي اخدت نص كيس رز هننزل بشويه مايه الاول لحم مالون المايه يتغير لبني وبعدين ننزل بالباقي
- نبدء ننشل البصل بمصفاه من المايه ونحط الملح والفلفل الاسود والتوابل وورق اللوري والحبهان يغلوا غلوه وبعدين ننزل بالجمبري ونسيبه لحد مايبقي نص سوا وبعدين ننزل بالارز ونقلب كويس ونظبط الملح ونسيبه يستوي ع نار هاديه وبعدين نغرف وبالف هنا يتاكل جمبه مخلل ،❤️❤️😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد