→ كل الوصفات
طبعا هاي أول تجربة وطلع بشهي وكتيييرررر طيب وزاااكي وفيه نكهة مميزة و مختلفة عن باقي الأطباق والطبخات 😍❤ والحلو بالموضوع إنه إضافات بلمستي🥰🥰
المقادير
- 1/2 دجاجة 《إستعملت صدرين دجاج》
- حبتين بندورة
- حبتين بطاطا
- حبة بصل
- 4 سنون ثوم
- حبة فليفلة حلوة لون أخضر
- حبة فليفلة حلوة لون أحمر
- حبة فليفلة حارة
- 1/4 كوب زيت نباتي
- معلقتين رب البندورة
- معلقة بهارات عامة مشكلة
- معلقة صغيرة بابريكا
- معلقة صغيرة فلفل أسود
- معلقة صغيرة كمون
- معلقة صغيرة كركم
- معلقة ملح
- رشة قرفة
- رشة هيل
- رشة ثوم بودرة
- 2 كوب أرز بسمتي
- معلقتين زيت نباتي
- معلقة ملح
- 3 ورقات غار
- عود قرفة
- 3 حبات هيل
- حبتين لومي
- زعفران أو معلقة كركم
- ماء حسب حجم الطنجرة
- حبتين بندورة
- 3 معالق رب البندورة
- حبة بصل
- 4 سنون ثوم
- معلقة بابريكا
- معلقة فلفل أسود
- معلقة كمون
- معلقة ملح
- معلقة بهارات عامة مشكلة
- رشة كركم
- رشة هيل
- رشة قرفة
- رشة ثوم بودرة
- معلقة ملح
- رشة كركم
- رشة بهارات عامة مشكلة
- رشة كمون
- رشة فلفل أسود
- رشة ثوم بودرة
- رشة بابريكا
- 4 معالق خل
- ماء لتر أو حسب الحاجة
- بقدونس مفروم
- فستق مقلي
طريقة التحضير
- بالبداية بنجهز المكونات يلي رح نحتاجها وهي موجودة بالصور للتوضيح
- بنغسل جميع الخضار ،، بنقشر البطاطا وبنقطعها دوائر سميكة قليلا ، ونقطع جميع الخضار بنفس الطريقة
- وبنقشر الثوم والبصل وبنقطعهم دوائر
- نغسل الدجاج وننظفه جيدا ثم ننقعه نصف ساعة بالماء والخل ثم نغسل جيدا ونصفيه من الماء
- نغسل الأرز جيدا ثم ننقعه بماء دافي لمدة ساعة كالمعتاد
- بنجهز الصلصة أو الخلطة يلي رح نتبل فيها الدجاج 《أنا خلطتهم بفرامة يدوية》قشرت البندورة والبصل والثوم وفرمتهم مكعبات وبعدين فرمتهم ع الفرامة
- بعد فرم البندورة والبصل والثوم نضع رب البندورة وباقي البهارات ونخلطهم جيدا
- بعد ما جهزنا خلطة التتبيلة ،، نضعها على الدجاج ونقلبهم جيدا ونتركهم جانبا لحين إستخدامهم
- بنبلش بترتيب الخضار بقاع الطنجرة ،، نضع أول طبقة شرائح البصل ثم البندورة ثم الفليفلة الحلوة الأحمر والأخضر والفليفلة الحارة ثم الثوم وآخر طبقة البطاطا
- ثم نرش ملح ونفس البهارات إللي استخدمناها بالبداية
- ثم نضع الدجاج المتبل فوق الخضار 《يجب أن يكون جلد الدجاج لتحت يعني ملامس للبطاطا》
- نضع الطنجرة على نار عالية لمدة 10 دقائق ثم نتركها على نار هادية مدة ساعة وربع وطبعا بكون مغطى عليها
- بعد إستواء الدجاج والخضار نجهز الأرز كالتالي : 《ملاحظة : ما رح نضيف ماء للأرز لأنه ماء الدجاج والخضار كفاية لإستواءه》
- نضع مقدار من الماء ونضع اللومي والقرفة والغار والهيل والزيت النباتي وطبعا الملح ونرفعها على النار حتى الغليان
- ننقع الزعفران بقليل من الماء الدافئ ونتركه حتى يستخلص كامل لونه
- عند غليان الماء نضيف الأرز المنقوع والمغسول ونتركه على نار عالية مدة 10 دقائق فقط
- رح نلاحظ إنه حبة الرز إستوت نصف إستواء ،، وهاد المطلوب لأنه رح نكمل إستواءه مع الدجاج والخضار
- ثم نصفي الأرز من الماء جيدا ونزيل ورق الغار والهيل والقرفة واللومي
- نضيف الأرز المصفى إلى طنجرة الخضار والدجاج ونضع الزعفران بشكل خطين متواجهين
- ثم نتركها على نار عالية مدة 5 دقائق ثم نتركها على نار هادية مدة 20_30 دقيقة أو حتى إكتمال النضج والإستواء
- نزينها بالبقدونس المفروم والفستق المقلي
- تقدم بجانب اللبن والسلطة والصلصة الحارة والمخلل
- وصحتيييين وعاااافييية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد