→ كل الوصفات
طريقة عمل مدفون الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 ل 3 كاسات رز بسمتي حسب الأشخاص كاسات الرز
- دجاجة
- اولا تتبيلة الدجاج
- ملعقة كركم
- ملعقة دبس رمان
- ملعقة شطة ناعمة
- بهارات دجاج
- ملعقة رب بندورة
- ملعقة بهارات مشكلة
- رشة فلفل اسود
- ربع فنجان زيت زيتون
- ملعقة ملح
- فص ثوم مهروس
- مكونات مية الأرز
- كبش قرنفل
- ورق غار
- بصلة
- ملح
- عيدان قرفة
- هيل حب
طريقة التحضير
- اولا نظفي الدجاج بعدين اخلطي تتبليه الدجاج واتركيه لنص ساعة لو مستعجلة عادي مش شرط النصف ساعة
- بعدين جيبي طنجرة صغيرة حطي فيها بصلة مع شوية زيت زيتون وورق غار وفلفل اسود حب وعيدان قرفة وهيل وكبش قرنفل وحطي ماء ليلغو
- بس تغلي الماء خديها للارز، حطيها بصينية وحطي الأرز معها وسكري عليها بقصدير بعدين خزقي القصدير بسكينة بفتحات كثيرة على مساحة الصينية كلها
- بعد ما خزقتي القصديرة حطي فوقها الدجاج الي تبلتيه وبعدين سكري عليها كلها بقصديرة فوق الدجاج
- ملاحظة لما تخزقي القصدير خلي خزق كثيرة وصغيرة
- اخر اشي اتركي الدجاج والرز على نار عالية شوي اول عشر دقائق على حرارة ٢٢٠ بعدين ارجعي نزلي حرارة الفرن ل١٦٠ او ١٨٠ واتركيها ساعة لساعة وربع للاستواء
- يزين باللوز واللبن مع الأرز وممكن تعملي الدقوس الحار معهم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد