→ كل الوصفات

مربعات الدجاج والأرز

#الخميس #يوميات_رمضان، أكلة تجي بزاف بنينة ،مغذية وراقية ،

  • صدر دجاج صغير أو نصف
  • مرق دجاج أو ماء مغلي
  • كوب ارز مسلوق
  • 3 بيضات
  • 3 فص ثوم كبير
  • 3 مثلثات الجبن طري
  • ملح،فلفل أسود،كركم
  • معدنوس مفروم
  • للصلصة
  • 3 مثلثات جبن أبيض أوطري
  • 2 بيضات
  • 2 ملعقة.ك.جبن إختياري نوعية جيدة
  • قليل من الزبدة للدهن
  1. بسم الله والصلاة والسلام على رسول الله،أول خطوة نطيب صدر دجاج في مرق دجاج أو (ماء مع التوابل)كان عندي مرق دجاج جاهز غليتو وزدتلو ماء ساخن وحطيت فيه الدجاج يستوي مع قليل من الملح والفلفل الأسود و ورقة الرند والثوم ونجمة الأرض.نكونو محضرين الأرز مسلوق،بعدما يستوي صدر الدجاج ويبرد قليلا نصفيه وً نقطعو شوية ونحطو في آلة الفمرم (روبو)هو والأرز والتوابل والمعدنوس والثوم والبيض والجبن ونرحيهم كلهم
  2. نجيب پيراكس متوسط الحجم وندهنو بالزبدة ونفرغ فيه الخليط ونسويه وندخلو فرن سخن على 200درج.،في هاد الحين نحضر صلصة الجبن الي في نفس الآلة نخلط البيض ونوعين من الجبن جيدا حتى نتحصل على خليط قوامه متجانس،لما يستوي البيض نخرج الپيراكس ونحط فوقو صلصة الجبن ونسويها ونزيد ندخلو للفرن شوية حتى تجف الصلصةويطيب البيض نتاعها ونخرجو،يجي بزاف بنين و مغذي،نقطعو مربعات ويقدم مثل في المطاعم 😅 ،قدمتو مع مملحات وشربة فريك وسلطة بالصحة والهناء،صح فطوركم 😍.ماتكتروش فيه الملح لأنو فيه الأجبان 👍🤗
عجبتك الوصفة؟
شوف كل وصفاتنا في مكان واحد
كل الوصفات →