→ كل الوصفات
ماربل كيك من أنواع الكيك المميز واللذيذ😋 هو ميكس بين كيك الشوكولاتة وكيك الفانيليا طعمة لذيذ جداً وبيقدم بطرق كتير وأنا حبيت أقدمة بشكل مربعات وحجم متوسط زي كيكة البراونيز😍 بجد الكيكة لذيذة وشكلها حلو جداً في التقديم إن شاء الله تجربيها وتعجبك ومنتظرة تطبيق الوصفة 🤩🌹 #القادم_احلى #العلاج_بالخبز #الطبخ_مؤنس_الوحدة #Cookingtherapy
المقادير
- 2 كوب دقيق
- 1/2 كوب زبدة مذابة
- 1 كوب سكر
- 1 كوب حليب دافئ
- 2 عدد بيضة
- 1 ملعقة كبيرة بيكنج بودر
- 1 كيس فانيليا
- 1 ملعقة كبيرة كاكاو خام
طريقة التحضير
- أولاً جيبي الخلاط الكهربائي وحوطي فية البيض والزبدة المذابة والسكر والحليب والفانيليا وأخلطيهم مع بعض كويس جداً 😍
- جيبى طبق عميق وحوطي فية الدقيق والبيكنج بودر وقلبيهم مع بعض كويس وياريت انخلي الدقيق والبيكنج بودر عشان الكيك يكون هش وخفيف معاكي وبعد كدة ضيفي الخليط السائل الموجود في الخلاط على الدقيق وقلبيهم مع بعض كويس جداً بمضرب سلك يدوي لحد لما تختفي كل حبيبات الدقيق 😍
- جيبى صينية مستطيلة وإدهني الصينية بالزبدة وحوطي فيها 3/4 خليط الكيك والربع الباقي حوطي علية ملعقة الكاكاو و2 ملعقة من الحليب وقلبيهم مع بعض كويس جداً وبعد كدة حوطي الخليط البني على الخليط الأبيض بطريقة عشوائية وجيبي بعد كدة عصاية الشيش طاووق او أي حاجة مناسبة ودخلي الخليط البني في الخليط الأبيض😍
- دخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة قطعيها مربعات وقدميها بعد كدة مع كوبايه شاي حلوة او نسكافية أو قهوة☕ بجد حلوة ولذيذة 😋وسهلة في التحضير جربيها أكيد هتعجبك 😍❤️💚💛
- ملحوظة : ممكن تستبدلي الزبدة بالزيت أو السمنة حسب المتوفر عندك بس الزيت يكون فاتح عشان ميغيرش لون الكيك😍
- 😋❤️💚💛
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد