→ كل الوصفات
كلنا بنحب نضمن جودة ونضافة الاكل اللي بنقدمه لأسرتنا في عشان كدا عملالكو مربى تين منزلية بوصفة مفيش ابسط منها
المقادير
- 2 كيلو تين طازج
- كيلو سكر
- 1/2 ليمونة
طريقة التحضير
- اولا نغسل التين كويس اوي ومهم نكون مختارين حبات التين طازجة ومش مهرية
- ثانيا هنشيل اي زوايد غير مرغوب فيها زي العنقود بتاعها وبعدين نقطع التين مكعبات صغيرة
- ثالثا هنحط التين في الحلة ونضيف عليه السكر ونقلب كويس ونسيبه نص ساعة بس في الثلاجة لحد ما يبدأ ينزل مية
- هنطلع الحلة من الثلاجة نرفعها على نار عالية في الاول لحد ما تبدأ تغلي وبعدين ننقلها على اصغر عين ونهدي النار خالص
- مهم في المربى اننا نقلبها كل شوية عشان متلزقش وتتحرق
- بعد ساعة هتلاحظي الماء اللي في الحلة بدأت تختفي والمربى بدأت تتقل، هنا هنعصر الليمون على المربى ونقلب ونسيبها ١٠ دقائق كمان
- بعد ما تكون المربى خلاص اتسبكت وبقي قوامها تقيل ومثالي هنطفي النار وهنسيبها تبرد تماما قبل ما نعبيها في برطمانات ونخزنها في الثلاجة والطريقة دي ممكن تقعد معاكي من السنة للسنة لا تعفن ولا تفسد
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد