→ كل الوصفات

مربى الفراولة 🍓

افضل حاجة لما تعرفى اصل الحاجة اللي بتاكليها وتتعمل بإيديك ❤️

  • كيلو فراولة
  • 1/2 كيلو سكر او اقل بنصف كوب لو مش عايزاها مسكره زي بتاعة بره
  • 1/2 لمونة
  • رشة فانيليا (اختياري)
  1. تغسل الفراولة جيدا وتقطع الي شرائح او اي شكل تفضلينه ويتم وضع السكر عليه ويقلب جيدا
  2. تترك لمدة يوم كامل في الثلاجة أو تترك لمده نصف ساعة لساعة لحد ما تنزل مايتها
  3. نحطها على نار عاليه لحد ماتغلي غلوتين ف الوقت دا نحط عصير نصف لمونة ونقلب ونهدي النار ونشيل اي ريم بيظهر علي الوش زي اللي فى الصورة كده
  4. نسيبها على نار هادية وتتقلب شوية علشان ماتشيطش وتلزق من تحت ولما تبدأ تِعقد وتتقل ونختبرها بأننا نجيب طبق مسطح ونحط فيه معلقة ونسحب خط بصباعنا لو رجع بسرعة يبقى لسه شوية او ممكن تحطي في الطبق معلقتين واستني لما تبرد شويه لو قوامها عاجبك كده تمام ❤️ وانا بفضل الطريقة التانية. وقبل مانطفي النار نحط رشة الفانيليا ودا اختياري
  5. لو عايزاها مافيهاش قطع يبقي تتضرب بالهاند بلندر أو ممكن تتهرس بأي معلقة ويبقي فيها قطع صغيرة بتكون تحفة 🥰
  6. تنساب لما تبرد خالص وتتحفظ في برطمان مغسول كويس ومتنشف كويس جدااا جدااا وتتحط في التلاجة
عجبتك الوصفة؟
شوف كل وصفاتنا في مكان واحد
كل الوصفات →