→ كل الوصفات

مربى طماطم 🍅

Tomato jam 🍅 من اكتر انواع المربى اللي بعشقها عشان ليا ذكريات معاها ايام طفولتي لما كنت بحب اروح لجدتي ربنا يديها الصحة يارب اكلها عندها عشان هي مشهورة بيها وبتعملها سكر بجد 😋 وطبعا تلف الايام وانا أكبر وادخل مع تيتة المطبخ عشان نعمل احلى مربى طماطم على طريقة جدتي ولمسة مني برده مش هسكت يعني 😉😃 وصدقوني على ضمانتي انا وتيته 😍😍

  • كيلو طماطم مبشورة
  • قشر الطماطم مقطع صغير
  • ½ كيلو سكر او اكثر حسب الرغبة
  • باكو جيلي فراولة
  • 10 حبات قرنفل
  • 2 كيس فانيليا
  • عصير ليمونة
  1. في حلة اضع كل المكونات السابقة مع بعض واسيبها على نار وسط لحد لما تنزل مايتها وتقل خالص وتتقل معاكي ،
  2. ومتقلقيش هتاخد معاكي وقت شوية بس طبعاً متنسيش التقليب من وقت للتاني عشان متتحرقش منك وتلزق ،
  3. بعدين تسبيها تبرد تماما وتحفظيها في برطمان نظيف وبس كدة ،
  4. ودة بيقي قوامها بعد لما تبرد 😍😋 ، قدميها مع عيش توست لوحدها او عليها قشطة او كريمة وبالف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →