→ كل الوصفات
#امي_جنتي جربي المربى دي بجد كارثة والبنجر طبعاً معروف انه مليان حديد واحنا في وقت محتاجين نقوي مناعتنا وخصوصا مناعة ولادنا عشان الامراض اللي بنسمع عنها ،، المربى دي فكرة ماما ربنا يخليهالي بس بطريقتي انا 😉
المقادير
- ½ كيلو فراولة مقطعة شرايح
- 3 حبات بنجر (شمندر) مبشورة
- 2 كوب سكر
- 2 كيس فانيليا
طريقة التحضير
- في حلة اضع كل المكونات السابقة ماعدا (الفانيليا) واضعها على البوتاجاز على نار متوسطة ولما تبدا تغلي والسكر يذوب اهدي النار واسيبها تأخذ وقتها لحد لما تتقل واطفي عليها واضيف الفانيليا واقلبها ،،
- لما تبرد احفظها في برطمان نظيف في الثلاجة ،،
- نصحية متعمليش المربى كمية كبيرة عشان متقعدش كتير في الثلاجة وتبقي ديما طازجة ،، قدماها مع قشطة بلدي وعيش لبناني وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد