→ كل الوصفات
بخصوص الأسبوع الثالث - المهمّة الثالثة: المونة وحفظ النعمة ( واسفة اني نزلتها متأخر واننا في الأسبوع الرابع من حملة أطبخها لا ترميها ) انا بطبيعتي بخزن فراولة لطول السنة لاني بحتاجها دايما خصوصاً في رمضان او لو في عزومات سواء هعملها عصير أو هدخلها في وصفات حلويات أو مربى
المقادير
- فراولة كمية حسب الرغبه
- كيلو فراولة
- 3/4 : 1 كيلو سكر
- 2 ليمون معصورين حوالي 1/4 فنجان او اكتر بحاجه بسيطه
طريقة التحضير
- بالنسبة لتخزين الفراولة انا بجيب كمية كبيرة من و بغسلها كويس جداً وبشيل الجزء الاخضر بالسكينه و بجيب أكياس ثلاجه وبقسم كل كيلو في كيس لحين الإستخدام
- بالنسبة للمربى : هجيب فراولة اسيبها تفك من تلج نتيجه تخزين وبعدين اجيب حلة احط فراولة فيها واحط عليها سكر واحطهم على نار هاديه لحد ماسكر يذوب ويختلط بالفراولة مع تقليب مستمر و كل لما تعمل رغاوي (طبقة الريم) هشيلها بالمعلقه أول بأول لحد ماتتخلصي منها تماماً
- هيبدأ القوام يتقل ويدي شكل المربى المعروف هنزل بعصير ليمون واقلب دقيقتين كده واقفل عليها
- واسيبها تهدى وبعدين احطها في برطمان محكم الغلق واشيلها في ثلاجة وبألف هنا ❤️
- أما لو كانت الفراولة فريش بعد ما اغسلها واشيل الجزء الاخضر منها احطها في بولة مع السكر واحطهم في ثلاجة لحد ماتنزل الماء بتاعتها حوالي ساعة أو ساعتين وبعدين احطها على نار وهنعمل نفس خطوات السابقة ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد