→ كل الوصفات
بعد ارتفاع أسعار المربي قررت اعملها فالبيت لبنتى..وكمان نظيفة ومضمونة وسهلة وبدون مواد حافظة للأطفال. ومقاديرها موجودة فكل بيت...
المقادير
- 3 كيلو فراولة مغسولة ومنزوعة الورق الأخضر
- كيلو سكر
- 0.5 ليمونة
- 0.25 معلقه قرنفل مطحون او عود قرفة
طريقة التحضير
- لو الفراوله وسط او صغيره نسيبها بدون تقطيع ولو كبيرة تقطعها أربع تربع وتفضل الفراوله الصغيرة جدا
- ونضع عليها السكر ونقلبها بدون ماء ونضعها على رف الثلاجه لتانى يوم يعدى عليها 24ساعة بتدى نتيجه أفضل بكتير
- نضعها على نار هادئة حتى تغلى ونضع عليها عود القرفه او القرنفل ونقلب كل شويه
- كل أما نلاقي الريم (الرغاوى) نشيلها بالمعلقه ونرميها
- بتاخد حوالى ساعة ونصف عالنار..لحد لما تتقل معانا نعصر الليمون ونقلب غلوة و نطفى النار واخد بالى لما تبرد بتتقل تانى
- لما تهدى احطها فبرطمنات زجاج بغطا وادخلها الثلاجة
- اخد بالى البرطمان يكون جاف مفيهوش نقطة ميه للمربي تحمض وتعفن..حتى المعالق تكون نظيفه كل اما اخد من البرطمان عشان احتفظ بيها سليمة لأطول فترة ممكنه
- لو حباها مسكرة اوى زودى نص كيلو سكر كمان..بس هى كده مقاديرها مظبوطة وحلاوتها وسط عشان متجذعش النفس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد