→ كل الوصفات
#رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله،، وكل عام وانتم الي الله اقرب 🕋📿،،، بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي
المقادير
- كيلو ونص بنجر مسلوق او مبشور
- 3 كوب سكر او اكثر حسب الرغبة
- 2 كيس فانيليا
- 6 وحدات قرنفل
- 2 م ك ماء زهر
- عصير ليمونة كبيرة
طريقة التحضير
- في حلة علي النار اضع كل المكونات السابقة وعلي نار هادئة اقلب كل المكونات لحد لما تبدأ تنزل مايه بالشكل دة ،
- اغطي الحلة وعلي نفس النار الهادئة اقلب من وقت للتاني عشان متتحرقش وتلزق ، واول لما مايتها تقل اشيل الغطاء واسيبها لحد بما تتقل خالص ، وبعد كدة فرمتها فالكبة وبس كدة ،
- احفظها في برطمان او علبة نظيفة ، #افكار_لطعم_مختلف : ١/ ممكن اعملها بطعم البرتقال يعني ازود (كوب الا ربع عصير برتقال ، وبشر برتقالة) ٢/ممكن تبشرين معاها جزر 🥕 ، ٣ وممكن تعمليها ميكس ما بين البنجر والفراولة 🍓 ، يعني نص الكمية بنجر ونص الكمية فراولة ،، جربوها وخزنوها لرمضان وان شاءالله تعجبكم وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد