→ كل الوصفات

مرقة بالدجاج والشوفلور (الزهرة) مقلي

#مريولي_باسمي #دجاج #زهرة اللهم صلّ وسلّم وبارك علـى سيّدنا محمد، حبيـت نشـارك معاكـم اليـوم ضمــن تحدي مريولي بإسمي، مرقة بالدجاج 🥠🍗والشوفلور (الزهرة) 🥦مقلي مع الحمص، يجي روعة 👌🏻خفيف وبزاف بنين😋، نتمنى تعجبكم الطريقة🥰، أمسية سعيدة أحبتي💐💖💐.

  • قطعتي دجاج استعملت الأفخاد
  • حبة بصل كبيرة مقطعة رقيق
  • 2 ملاعق كبار زيت
  • الملح حسب الذوق
  • ½ ملعقة صغيرة كركم
  • ¼ ملعقة صغيرة فلفل سود
  • ½ ملعقة صغيرة سكين جبير
  • ملعقة صغيرة فلفلة حمرة بابريكا
  • حبة طماطم متوسطة مطحونة
  • كمشة حمص طايب نص طياب
  • الماء ساخن باش نمرفو
  • راس شفلور متوسط
  • 2 حبات بيض
  • رشة من الملح
  • رشة ثوم غبرة
  • على راس الملعقة الصغيرة فلفل أسود
  • كاس فرينة
  • الملح حسب الذوق
  • ¼ ملعقة صغيرة فلفلة حمرة بابريكا
  • رشة ثوم غبرة
  • رشة من الكمون
  • زيت قليل للقلي
  • ملعقة صغيرة جدا كمون
  1. نبدأ على بركة الله، في طنجرة الضغط نحط الزيت والبصل مقطع رقيق أو مطحون في الآشوار، مع قطع الدجاج (استعملت الأفخاد) و التوابل (الملح، الفلفل الأسود، الكركم، سكين جبير مع الفلفلة حمرة)
  2. نقلي الكل جيدا حتى تذبال البصل، نضيف الطماطم اللي كنت طحنها في الآشوار
  3. نخلط الكل جيدا ونمرق بالماء يكون سخون ونغلق على الطنجرة ونخلي الدجاج يطيب على خاطرو تقريبا 20 دقيقة
  4. نحل على الطنجرة كي يفوت الوقت المطلوب نصيب الدجاج طاب نحيه ونحطو في صحن أما المرق نضيف عليه كمشة من الحمص كان عندي طايب نص طياب ونعاود نغلق على الطنجرة ونخليه يكمل طيابو
  5. في هاد الوقت كنت نقيت الشفلور مليح وغسلتو وحطيتو في الكسكاس يفور القدرة حطيت فيها الماء و2 ورقات رند وطرونش ليمون كي غلات حطيت الكسكاس. ومين فار خليتو يبرد مليح مليح. ملاحظة مهمة: ✔من الأفضل نفورو الشفلور باش يبقى محافظ على الشكل ديالو بلا ما نخليه يطيب بزاف
  6. كي برد حطيت كاس فرينة في صحن ضفت عليه الثوم غبرة والفلفل الأحمر مع رشة من الكمون خلطتها مليح ومن جهة أخرى ضربت حبات البيض مع الملح والفلفل الأسود ورشة من الثوم بودرة أو غبرة حتى انساجمت المكونات
  7. نرفد وردة الشفلور نرمدها في الفرينة مليح من كل الجهات ونعاود نغمسها في البيض ومباشرة نحطها في مقلاة فيها القليل من الزيت على نار متوسطة
  8. نقليهم كامل بنفس الطريقة ومن كل الجهات، اللي تنقلى نحطها فوق ورق ماص، حتى نكمل كل الكمية اللي عندي
  9. في هاذ الوقت ندهن أطراف الدجاج بشوية سمن نمسحو مسحة خفيفة برك وندخلو للفرن المسخن مسبقا يدي لون ذهبي جميل تقريبا مدة 10 دقائق
  10. نحل على الطنجرة يكون الحمص طاب نضيف عليها ملعقة صغيرة جدا كمون ونخلي المرقة تعقاد مدة 5 دقائق ونطفي عليها
  11. ونسربيه في الطبسي. نحط الحمص مع المرق في الصحن ونستف صاير داير بالشفلور المقلي وفي الوسط نحط أفخاد الدجاج
  12. ويقدم بألف صحة وهنا 😋👌😋 وشهية طيبة للجميع 🥰
عجبتك الوصفة؟
شوف كل وصفاتنا في مكان واحد
كل الوصفات →