→ كل الوصفات

مرقة باللحم مع بطاطا مبشورة مقلية

#ابدع_بالبطاطا 👩‍🍳🥔 🍟 اللهم صلّ وسلّم وبارك على سيّدنا محمد، حبيت نشـارك معاكــم اليـوم مرقة باللحم مع بطاطا 🥔 مبشورة مقلية تجي ولا أروع 👌🏻 بزاف بنينة 😋👌🏻😋 كنوع من التغيير، نتمنى تعجبكم الطريقة، أمسية طيبـــــة أحبتي💖💐💖 .

  • قطعة لحم غنمي
  • حبة بصلة مطحونة
  • حبة طماطم مقطعة على ربعة
  • الماء ساخن باش نمرقو
  • الملح حسب الذوق
  • ¼ ملعقة صغيرة فلفل أسود
  • ¼ ملعقة صغيرة سكينجبير
  • ½ ملعقة صغيرة كركم
  • عود صغير قرفة
  • 4 حبات بطاطا متوسطين منقيين ومبشورين بالجيهة الغليظة
  • 1 ملعقة كبيرة فرينة
  • 1 ملعقة كبيرة نشاء (مايزينة)
  • 1 ملعقة كبيرة قصبر مطحون
  • الملح حسب الذوق
  • ½ ملعقة صغيرة الكركم
  • ¼ ملعقة صغيرة الفلفل السود
  • ½ ملعقة صغيرة تابل الجبن
  • ¼ ملعقة صغيرة قصبر جاف
  • ¼ ملعقة صغيرة كمون
  1. نبدأ على بركة الله، في طنجرة الضغط نحط القليل من الزيت نضيف عليه البصل مفروم، نخليه يذبال شوية على نار متوسطة مع قطعة لحم الخروف ثم نضيف التوابل (الملح حسب الذوق، الكركم، الفلفل السود، سكين جبير، عود صغير قرفة) مع حبة طماطم مقطعة على ربعة ونقلي الكل جيدا
  2. ثم نمرق بالماء يكون سخون (ما لازمش نضيف بزاف باش المرقة تجي خاثرة وملبية) ونغلق على الطنجرة ونخلي اللحم يطيب على خاطرو
  3. في هاذ الوقت نحضر البطاطا المبشورة، بشرتها بالجيهة الغليظة وحاولت نتخلص من الماء اللي طلقاتو
  4. في غرفية حطيت زوج حبات البيض مع ملعقة كبيرة قصبر مطحون، مع التوال (الملح حسب الذوق، الكركم، الفلفل السود، تابل الجبن، قصبر جاف، الكمون) وخلطت الكل جيدا
  5. أما البطاطا ضفت عليها ملعقة كبيرة فرينة مع ملعقة كبيرة مايزينة (النشاء) خلطتها مليح مليح وضفت عليها خليط البيض اللي حضرتو من قبل
  6. وخلطت الكل جيدا حتى اساجمت كل المكونات، حطيت زيت في مقلاة على نار متوسطة تسخن شوية وبديت ندير كريات نعصرهم مليح باش ما يتحلوش في المقلاة
  7. نقليهم من الجهتين، والحبة اللي نقليها نحطها فوق ورق الماص
  8. في هاذ الوقت يكون اللحم طاب والمرقة عقادت نسربي في طبسي نحط قطعة اللحم في الوسط مع القليل من المرق ونحط صاير داير كريات البطاطا المحكومة المقلية
  9. وقدمتو بألف صحة وهنا 😋👌🏻😋وشهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →