→ كل الوصفات
مرقة خفيفه بطريقة أهل الطيبين
المقادير
- كيلو لحم جمل
- 2 بصل تقطيع مربعات كبار
- 2 طماط تقطيع مربعات كبار
- 2 جزر تقطيع كبير
- 2 بطاطا تقطيع كبير
- ظرفين من البهارات المشكله
- ملعقة كركم وملعقة كبيرة من بهاراات اللحم أو العادية
- ملعقتين كبار صلصل
- 5 قروون فلفل غير مقطع
- بهارات صحيحة مشكله
طريقة التحضير
- نقطع الخضاار بهذا الطريقة
- غسلت اللحم شوي من الدم وحطيته بالقدر مغمور بالماء وحطيت ليمونتين مع عصيرهم وقشرهم وفنجان خل وخليته يغلي لمدة ١٠ دقايق واتخلص من الماء
- بعدين بقدر حطيت ماء جديد صالح للشرب ورجعت اللحم بالقدر وحطيت البهارات الصحيحة ونغمر اللحم بالماء
- ومجرد مايغلي الماء حطيت ظرفين من هاي الخلطه البهارات عبارة عن التتبيله الجاهزة.. على حسب كمية اللحم اللحم قليل حطوو ظرف.. اللحم كثير حطوو ظرفين
- واحط معاهم بهارات اللحم أو بهارات مشكله عادية وكركم شووي زيادة
- ونسكرر ونغطي على اللحم لين يستتتوي عندي نص استواااء
- بعد ما استوااا اللحم نص استوااا نضيف جميع الخضروات من بصل وطماط وجزر وبطاطا والفلفل مع ملعقتين صلصل طماط
- ونرجع نسكر القدر لحد الأستووواء الكامل للحم والخضروات ونحط ملح ونتذووق
- هذا الشكل النهائي للمرقة.. تكوون خفيفه يادووب تبين بالعيش
- ملحوظة.. ممكن تسوون هاي الطريقة بأي نووع لحم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد