→ كل الوصفات
والصفة دي بقي ترند فقلبي يا جماعة بجد ❤😚 ، وحياة ربنا هتسألوني ايه اكتر وصفة اكل عجبتك يا اماني في ٢٠٢١ هقولكم الوصفة دي بجد دماااااار 🙈🙈 وطبعا عملاها بطريقتي 👌😉
المقادير
- 2 حبة باذنجان رومي مقطع شرايح
- 4 فلفل رومي مقطع شرايح
- 1/4 لحمة مفرومة
- بصلة كبيرة مبشورة
- م ص ثوم مفروم
- 4 عود بصل اخضر مقطع صغير
- 1 او 2 فلفل حار مقطع صغير
- 2 مكعب ماجي
- 1/2 م ص من (فلفل اسود ، بهار لحمة)
- م ص ريحان (اختياري)
- 3 م ك صلصة
- 1/2 كوب ماء
- 2 كوب لبن
- 2 م ك دقيق
- مكعب ماجي
- فلفل اسود
- ملح
- رشة فلفل اسود وريحان
طريقة التحضير
- اولا اللحمة : في حلة حطي سمنة او زبدة ونزلي اللحمة شوحيها لحد لما تغير لونها ، بعدين نزلي البصل والثوم والبصل الاخضر والفلفل والتوابل كلها والماجي وقلبي مله مع بعضه لحد لما الخضار كله يذبل ، بعدين نزلي الصلصة والماء وسبيها تتسبك شوية وبس كدة ،
- ثانيا الخضار : رشي ملح على شرايح الباذنجان وابدأي اقليه في زيت غزير ساخن ، بعدين اقلي الفلفل الرومي وبس كدة ،
- ثالثا البشاميل : في حلة حطي كل مكونات البشاميل السابقة مع بعض وقلبيها على البارد وارفعها على النار مع التقليب لحد لما البشاميل يتقل بس مش اوي وبس كدة ،
- في صينية حطي طبقة باذنجان وفلفل ، بعدين اللحمة ، بعدين باذنجان وفلفل تاني ، بعدين نزلي البشاميل عليهم ورشي رشة فلفل وريحان ، ودخليها الفرن تحت الشواية تأخذ لون ،
- كليها بقي بعيش او مع ارز ابيض اللي تحبيه ، بس عموما انا مش هتكلم كتير عشان لساني عجز عن الكلام على الوصفة دي ، الوصفة دي هي اللي بتتكلم عن نفسها وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد