→ كل الوصفات
بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷
المقادير
- شرائح باذنجان
- فلفل رومي مقطع
- مكعبات بصلة مقطعة
- فلفل رومي وحار مقطع صغير
- مكعبات طماطم مقطعة
- م ص مليانة ثوم مفروم
- م ص هريسة شطة
- م ص من : (فلفل ، كمون ، كزبرة)
- 2 م ك صلصة
- 1/4 كوب ماء
- مكعب ماجي
- 2 كوب لبن او ميكس لبن وشوربة
- 2 م ك دقيق
- مكعب ماجي
- ملح ، وفلفل
طريقة التحضير
- اولا الخضار : قطعت الباذنجان والفلفل ورشيت عليه رشة ملح وقليته ، او ممكن تشويه في الفرن ،
- ثانيا الحشوة : في طاسة حطي شوية زيت ونزلي البصل شوحيه لحد لما يدبل ، بعدين نزلي الطماطم والفلفل وشوحيهم لحد لما يبدأ يدبلوا ، نزلي الثوم وهريسة الشطة والتوابل وقلبيهم مع بعض ، بعد كدة نزلي الصلصة والماء والماجي وقلبي كله مع بعضه وسبيها تتسبك شوية وبس كدة ،
- ثالثا البشاميل : في حلة حطي كل مكونات البشاميل ، وقلبي علي البارد ، وارفعي علي النار مع التقليب لحد لما تتقل بس كدة ،
- هاتي بقي الطاجن بتاعك ورصيها زي الفيديو كدة ، ودخلتها تحت الشواية تاخد لون وبس كدة ،
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد