→ كل الوصفات

مسقعة باللحمه المفرومه بطريقتى 🍆🌶

#عيش_وملح #الحقوني #جود_بالموجود

  • 11/2 كيلو باذنجان رومى
  • 1/2 كيلو فلفل اخضر واحمر وحار
  • 2 ثمرة بطاطس
  • 1/2 كيلو لحم مفروم
  • دورق عصير طماطم
  • 2 معلقه من الصلصه
  • ملح وفلفل اسود حسب الرغبة
  • بهارات
  • كزبرة ناشفه
  • م ص سكر
  • 5 حبات من البصل المفروم للتعصيج وتسبيك الطماطم
  • زيت غزير للقلى
  • م ص قرفه
  • م ص جنزبيل
  • م ص جوزة الطيب
  • 5 فصوص ثوم مفروم
  1. نقطع الباذنجان دواير سميكه شويه ونضعه فى طبق به ماء وملح والخطوة هذة مهمه عشان ميشربش زيت كتير
  2. نقطع الفلفل نصين بالطول ونقطع البطاطس دواير متوسطه الحجم
  3. فى طاسه مملؤة بالزيت الغزير وساخن نقلى البطاطس نص قليه ثم الباذنجان ايضا نص قليه يأخذ لون دهبى فقط ثم الفلفل يدبل فقط بالزيت ويخرج من الزيت
  4. فى مقلاة نضع بها السمن والقليل من زيت الذرة يسخن ونشوح بها اللحم المفروم للتعصيج حتى يتغير اللون ثم نضيف البصل يدبل ثم الثوم المهروس ويقلب كله جيدا ونضيف التوابل الملح والفلفل الاسود والبهارات والقرفه والزنجبيل و جوزة الطيب وكسبرة ناشفه ثم نضيف نصف دورق عصير الطماطم وعليه معلقه من الصلصه ويترك يتسبك نص تسبيكه
  5. فى حله بها سمن وزيت سخن ننزل بالبصل المفروم ويدبل ثم نضيف الثوم المفروم ويقلب حتى اصفرار اللون وننزل بباقى عصير الطماطم ومعلقه من الصلصه ونضيف الملح والسكر والفلفل الاسود ويترك يتسبك
  6. نحضر صينيه كبيرة ونفرح بها شويه من الصلصه المتابعه ونضع فوقها الفلفل المقلى ثم البطاطس والباذنجان ثم اللحم المتعصج ونعيد الترتيب تانى فلفل مقلى وبطاطس وباذنجان وشويه من اللحم المتعصج ونضيف الطماطم المتسبكه وتدخل الفرن حتى يحمر لونها وبألف هنااا
عجبتك الوصفة؟
شوف كل وصفاتنا في مكان واحد
كل الوصفات →