→ كل الوصفات

مسقعة❤️

#باللحم_المفروم

  • 2 حبة باذنجان كبير
  • 3 حبات فلفل رومي
  • 2 قرن فلفل حامي
  • 4 حبات مضروبة في الخلاط
  • معلقتين صلصة
  • فصين ثوم مفرومين
  • البهارات
  • ملح
  • فلفل اسود
  • كمون
  • كزبرة
  • ½ كيلو لحمة مفرومة متعصجة ببصل
  • بصلتين مفرومين.. واحدة للصلصة والآخرى لتعصيجة اللحمة
  1. هنقطع الباذنجان بالطريقة الي تحبوها شرايح او مكعبات ونحمره وهنحمر الفلفل الرومي والحامي
  2. هنسيب خضارنا يتصفى من الزيت (الباذنجان - الفلفل الرومي والحامي) و نعصج اللحمة المفرومة بمعلقة زيت او سمن وبصلة مفرومة
  3. في حلة على النار ملعقة سمن او زيت هننزل ببصلة مفرومة ونحمرها ننزل بالثوم نشم ريحته وهننزل بعصير الطماطم. (طماطم مضروبة في الخلاط مع قرن فلفل حامي اختياري وحبة فلفل رومي وعن نصيحة هتخلي الريحة والطعم تحفة) و معلقتين صلصة وتأخذ غلوة هننزل بالبهارات المكتوبه فوق ونتركها تتسبك. ممكن نضيف مرق خضار من ماجي لو حابين
  4. في صينية او طاجن هنحط كبشة من الصلصة وننزل براق باذنجان وقطع الفلفل وشوية صلصة واللحمة المفرومة وراق باذنجان ونكرر العمليه لحد ما تكمل صنيتنا
  5. مدتها في الفرن ربع ساعة ومن ٣ - ٥ دقائق على الشواية لحد ما تأخذ لون حلو
  6. و متنسوش اهم حاجة اشتغلوا على نار هادية ولو حابين تضيفوا او تشيلوا اي حاجة من الوصفة براحتكم اهم حاجة الف هنا وعافية على قلبكم❤️
عجبتك الوصفة؟
شوف كل وصفاتنا في مكان واحد
كل الوصفات →