→ كل الوصفات
وصفه لذيذه وصحيه وعجبت الأولاد أوى #المريول_السوبر #الثوم
المقادير
- 1/2 كيلو باذنجان رومى
- كيس لحمه مفرومه (350جم)
- 5 فصوص ثوم مفروم
- 200 جم مشروم أو أقل حسب الرغبه
- 2 بصله متوسطه
- 1/4 معلقة من(فلفل أسود وقرفه وجنزبيل ومكعب مرقة لحم وكيس مرقه فوريه وبابريكا) وشطه حسب الرغبه
- 3 معالق زيت
- 1/4 كيلو طماطم نضربه فى الخلاط (عصيرالطماطم)
طريقة التحضير
- نضع معلقة زيت فى حله وننزل ببصله مقطعه مكعبات ونشوحها كويس لحد مالونها يبدأ يغير ننزل باللحمه المفرومه ونقلبهم جيدا وننزل عليهم بالفلفل الأسود ومكعب مرقة اللحم والقرفه والجنزبيل والبابريكا وشطه (اختيارى) ونقلبهم جيدا على نار وسط عشان اللحمه متنزلش مايتها ويمكن إضافة فلفل أخضر حسب الرغبه
- نقشر ونقطع الباذنجان الى شرايح رفيعه ونضع ٢معلقة زيت فى حله وننزل عليها بباقى البصل ونشوحه كويس وننزل عليه بالمشروم المغسول كويس ومصفى جيدا لو معلب ونشوحهم جيدا لحد ماالمشروم يبدأ لونه يغير
- وننزل عليهم بالباذنجان ونقلبهم مع بعض من حين لآخر حتى يتبل وننزل عليهم بعصير الطماطم مضاف إليه رشة سكر ونقلبهم جيدا وننزل عليهم بالثوم المفروم وفلفل أسود ورشة كسبره ناشفه وبابريكا ومرقه فوريه ورشة ملح ونقلبهم جيدا لحد مايغلى
- ونتركم على نار هاديه لتمام السوى وننزل عليهم باللحمه المفرومه بعد ماستوت قبل مانقفل النار ب10 دقايق ونقدمها مع أرز أو عيش وسلطه وطحينه او ثوميه وبألف هنا 🥰😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد