→ كل الوصفات
طريقة عمل مسقعه دايت 😂 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 باذنجان
- 2 فلفل اخضر كوبي
- 1 بصله
- 4 طماطم
- 2 بطاطس
- 4 فصوص ثوم
- توابل (ملح -فلفل اسود-كمون كتير-بابريكا-شطه حمرا حاجه بسيطه-كركم-ثوم بودرة-بصل بودرة)
طريقة التحضير
- في الاول خالص نقطع الباذنجان والفلفل الاخضر والبطاطس دوائر وتتحط في الفرن على درجه عاليه في صينيه تيفال تتشوي ونقلبها كل شويه لحد ما تطري
- نيجي في طاجن تيفال نشوح البصل اللي متقطع شرايح مع الثوم من غير لا زيت ولا سمنه ونفضل نقلبها كتير وبعدها نحط عصيرالطماطم لحد ما يبقى نص تسبيكه
- بعدها نوزع الحاجات كده بطاطس في الارضيه بعدها الفلفل وبعدها الباذنجان وطبعا لو حد بيحب يضيف اللحمة المفرومه تبقي قبل الباذنجان
- بعد كده نضيف عصير الطماطم اللي بالبصل عليهم
- ونبدا نحركها ونهزها كده بحيث نضمن ان الصبصه نزلت لتحت عشان التوابل تتشربها كل الحاجات ونغطيها ونرميها في الفرن
- وبالهنا والشفا😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد