→ كل الوصفات
كتير مننا بيدور على وصفات صحيه سواء عشان بيخس او علشان بيدور على نمط اكل صحي وخفيف. المسقعه دي طريقتها جميله جدا ومشبعه وخفيفه 😊
المقادير
- كيلو باتنجان رومي
- 4 فلفل اخضر او العدد حسب الرغبه
- 1 فلفل الوان (اختياري)
- قرن فلفل شطه
- 5 حبات طماطم كبار
- 2-3 فص توم
- بهارات
- 0.5 ملعقة فلفل اسود
- رشة كمون
- رشة كسبره ناشفه (او البهارات اللي تحبيها)
- ملعقة ملح
طريقة التحضير
- هنغسل الباتنجان كويس ونقطعه شرايح سمكها تخين شويه
- هنشوي شرايح الباتنجان و الفلفل في الفرن
- في الوقت ده هنكون حطينا معلقه واحده زيت في صينيه على النار وحمرنا فيها التوم بعد ما قطعناه
- نضيف عليه عصير الطماطم ونسيبه يتسبك
- بعد ما اتسبكت الطماطم هنضيف كميه الملح والبهارات المناسبه
- هنضيف الباتنجان المشوي والفلفل بعد ما نقطعه تقطيعه مناسبه للطماطم المتسبكه ونسيبهم ياخدوا غلوه مع بعض
- وبس 😊
- المسقعه الصحيه الخفيفه بقت جاهزه والطعم تحفه. وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد