→ كل الوصفات
صينية مشاوي من الاخر يا جماعة بجد 👌😋 وبعتذر معرفتش اصورها كويس ولا ارصها كويس عشان المشاوي اللهم بارك كانت كتير 🙈💃💃
المقادير
- كيلو ريش ضاني
- كيلو لحمة ضاني مقطعة شرايح
- علبة زبادي كبيرة
- كوب عصير ماء بصل
- 1/4 كوب زيت زيتون
- 2 م ك خل
- 2 م ك (بهار لحمة)
- م ك (فلفل اسود ، زعتر ، ريحان ، كاري)
- ملح حسب الاحتياج
- كيلو لحمة بتلو مقطعة مكعبات
- مكعبات بصل مقطع
- مكعبات فلفل الوان (اخضر ، اصفر) مقطع
- مكعبات طماطم مقطعة
- مكعبات لية ضاني مقطعة
- علبة زبادي
- م ك (بهار لحمة)
- م ص (فلفل اسود ، كاري ، بودرة ثوم علي بصل)
- م ص بودرة قشور البرتقال(في بوست سابق) او بشر برتقال (اختياري)
- م ك خل
- 3 م ك زيت زيتون
- 2 مكعب ماجي مذاب في ربع كوب ماء ساخن
- ملح حسب الاحتياج
- كيلو لحمة مفرومة
- 3 بصلة مبشورة ومعصورة
- حزمة بقدونس مفرومة
- 1/4 لية ضاني مقطعة صغير
- 3 م ك دقيق
- م ص بيكنج باودر
- م ك بهار لحمة
- م ص (فلفل اسود ، بودرة ثوم علي بصل ، جوزة الطيب ، بابريكا)
- ملح حسب الاحتياج
- بصل جوليان
- فلفل حار
طريقة التحضير
- 🔸️ملحوظة : كل اللحوم السابقة جهزتها من بالليل ونقعتها في التتبيلات وسيبتهم في الثلاجة وتاني يوم شويناها علي شواية الفحم في البيت ، ممكن تشويها علي البوتاجاز او في الفرن وبعدين تولعي فحمة عليهم او تشويها برة عند الراجل لو تحبي ، طريقة الارز في الوصفة القادمة وهي (فتة شيش كباب) 👌😋
- اولا الريش الضاني واللحمة الضاني : قطعت من اللحمة الضاني شرايح كدة ودقتها وتبلتها هي والريش بالتتبيلة السابقة من بليل وحطيت معاها (البصل الجوليان والفلفل الحار) وقلبت كله مع بعضة
- ثانيا الشيش كباب : تبلت اللحمة واللية والخضار المقطع بالتتبيلة السابقة وحطهم في أسياخ الشوي وسيبتهم برده في التلاجة من بلليل
- ثالثا الكفتة : في بولة عجنت مكونات الكفتة مع بعضها كويس جدا وبيتها في التلاجة وتاني يوم صبعتها علي اسياخ الشوي الحديد وشويناها ،
- تاني يوم ولعنا شواية الفحم وشوينا اللحوم والبصل الجوليان والفلفل الحار وقدمتها علي فتة سوري (ارز اصفر ، الثومية ، العيش المقلي) ومعاهم (سلطة جرجير وطماطم وبصل بالسماق) و(سلطة طحينة) و(جلاش باللحمة المفرومة) وبيبسي وبالف الف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد