→ كل الوصفات

مضغوطة الدجاج 🍛

اكلة سهلة وسريعة في حال اذا كنتي مستعجلة او اجى عليكي حدا ومو عارفه شو تعملي،، وهاي كانت عزومتي لقرايب جوزي،، انبسطت كتير انه عجبهم اكلي،، بصراحة حطو فيني دافع قوي لحتى ابدع اكتر،، ولحتى اوصل طريقة طبخي،، واكلي لاكبر قدر ممكن من الناس،،،،، لانكم اتحتو لنا الفرصة لحتى نقدر نطلع مواهبنا ع هالتطبيق المميز،، ونعلم ونتعلم،، كل شي جديد، كل التحيات لكم 😍💖💖😍

  • دجاجتين مقطعين
  • 3 كاسات ارز بسمتي
  • 3 راس بصل
  • 3 سنون ثومة
  • فلفل حار او فليفلة
  • بهارات مشكلة
  • ملح
  • ماجي
  • بهار دجاج
  • كاري
  • فلفل ابيض واسود
  • كمون
  • رشة قهوة
  • فنجان زيت
  • للزينة فستق
  • بقدونس
  1. بطنجرة الضغط بتقطعي البصل والفلفل والثومة فرم وسط وبضيفي فنجان الزيت وبتقلبيهم ع الغاز ليذبلو
  2. بعدين بتكوني منظفة الدجاج ومقطعيته وبضيفيه ع الخلطة بطنجرة الضغط وبضيفي جميع البهارات المذكورة اعلاه
  3. وبتقلبيهم بتقلبيهم وبتتركيهم شوي ع نار هاديه
  4. بتكوني غاسلة الارز وناقعيتة نص ساعة، وبتسخني ماء خليها جاهزة لتغمري الارز فيها
  5. بتولعي فحم ع الغاز وبعد مضي النصف ساعة بتنفسي الطنجرة تحت المي الباردة وبتشيلي صفارتها لحتى يطلع كل الضغط
  6. بتجيبي شقفة قصدير وبتعملي فيها جورة بالارز وبضيفي عليها زيت وبتحطي الفحم وبتغطي عليها لتاخد نكهة الفحم
  7. بعدين بضيفيه ع الدجاج والخلطة وبتتركيه لا تقلبيه وبضيفي عليه الماء السخنة وبتضغطي الطنجرة مباشرة لمدة نصف ساعة بالزبط 30 دقيقة
  8. بتقدمي الطبق بالسدر وبتزينية بالفستق او اللوز والبقدونس وصحتين وهنا
  9. يقدم معها سلطة ولبن ومخللات
عجبتك الوصفة؟
شوف كل وصفاتنا في مكان واحد
كل الوصفات →