→ كل الوصفات

مضغوط اللحم 🍖 على طريقتي الخاصه

#التحدي_الالماسي الصور مرفقه مع الخطوات للتوضيح 👌

  • كيلو لحم قطع متوسطه بالعظم
  • 2 كيلو ارز بسمتي مغسول ومنقوع
  • رأسين بصل مقطع ناعم جداً
  • رأس ثوم مهروس
  • حبتين بندوره ناضجه مقشره ومقطعه قطع صغيرة الحجم
  • 2 فلفل اخضر حار مقطع حسب الرغبه
  • قليل زيت ذره نباتي
  • بهارات كاري
  • بهارات كبسه حاره خليجيه
  • هيل مطحون
  • بهارات لحمة
  • زنجبيل مطحون
  • ملح
  • كزبره مطحونه
  • ماجي لتعزيز النكهه
  • البهارات الصحيحه
  • 4 ورق غار
  • 4 كبش قرنفل صحيح
  • 3 لومي
  • 2 اعواد قرفة
  • كزبره حب
  • هيل حب
  1. أولاً يجب تنضيف اللحمة جيداً من الدهن
  2. بالبدايه منحمس البصل الناعم مع القليل من زيت الذره في طنجرة الضغط يلي ح نطبق الطبخه فيها ثم نضيف الثوم الى البصل لأنو الثوم بنضج اسرع من البصل
  3. ثم نضيف البندورة والفلفل الأخضر الحار لحتى يدبلو شوي منضيف البهار ات الخشنه والناعمه لحتى ياخدو من نكهتها
  4. الخطوه الثانيه منضيف اللحمة للتتبيله ومنقلبها معها لحتى تأخذ من نكهتها ويتغير لونها شوي مدة خمس دقائق
  5. الخطوة الثالثه نضيف ماء مغلي بمقدار اقل من غمرة اللحمة يعني بتضلها ضاهره معنا اللحمة لأنو مابدنا نسلقها سلق في هاد المرحله ما بنضيف ملح لحتى ماتشد اللحمة
  6. الخطوة الرابعه منغطي الطنجره وعند التصفير منخفف النار تحتها ومنعاير ثلث ساعة ومنفتح الصافره
  7. الخطوة الخامسه منفتح غطاء الطنجره بتكون اللحمة ناضجه بنضيفلها ملح وماجي لحتى نظبط النكهه
  8. الخطوة السادسة نضيف الأرز المغسول ومنقوع مسبقاًالى اللحم وما بنقلبهم مع بعض نكتفي بوضع الأرز فوق اللحم بنعاين كمية الماء اذا بحاجه لزياده منزيدو شوي ولكن ما منغمر الرز بالماء لازم يكون ضاهر معنا
  9. الخطوة السابعة منغطي الطنجره وننتضر الصفاره الى حين تصفيرها
  10. الخطوة الثامنه عند تصفير الصفاره منخفف النار كتير على درجه هادئه جداً ومنعاير ربع ساعة ومنطفي الغاز منتركها ترتاح عشر دقائق قبل التقديم انا خلال فترة العشر دقائق اضفتلها فحمه لحتى تأخذ من نكهة تدخين الفحم
  11. الخطوة التاسعه والأخيره منقلب الطنجره في طبق التقديم طبعاً الرز بكون مفلفل واللحمه رح تضهر معك على وجه الرز زينيها حسب رغبتك
  12. تقدم مع صلصة الدقوس الحاره والسلطه واللبن ملاحظه بالنسبه للبهارات الصحيحه فيكي تشيليها اذا ما بتستسيغي منضرها مع التقديم مارح تتغلبي فيها لأنو نحنا ما خلطنها مع الرز بتكون ضاهره معك على وجه اللحمة عند قلب الطنجره في طبق التقديم
  13. صحة وهنا مني انا دودي 🤗
عجبتك الوصفة؟
شوف كل وصفاتنا في مكان واحد
كل الوصفات →