→ كل الوصفات
طريقة عمل مطبق الروبيان على طريقتي🍤🥰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس روبيان مجمد و منظف
- 2 كوب رز
- 1 بطاطس مقطعه مكعبات
- 1 فليفله مقطعه مكعبات
- 1 بصل مقطع مكعبات
- 2 طماطم مقطعه مكعبات
- 1 ملعقه صويا صوص الخفيفه
- 1 ونصف ملعقه دبس الرمان
- 1 ملعقه البهارات(كركم،كزبره،كمون،دارسين،بهارات مخلوطه، لومي اسود مطحون، رشه هيل مطحون)
- ملح حسب الرغبه
- 1 ملعقة كبيرة سمن
- 1/2 علبه معجون طماطم
- 2 فص ثوم مهروس
- منقوع الزعفران (زعفران،هيل،ماي ورد)
طريقة التحضير
- اولا اسلق الرز نصف استواء مع ماء مغلي و بهارات صحيحه و ملح و اتركه على جنب
- ثانيا سمن مع البصل لين يصير لونه بني غامج بعدها اضيف البهارات و اضيف الطماطم و معجون الطماطم و الثوم المهروس و البطاط و الفليفله و اخليهم مع بعض
- اخليهم يطبخون مع بعض لين يستوي كل المكونات و خصوصا البطاطس
- على جنب اضع الروبيان اشوحه شوي بمقلاة ٣ دقايق و بعدها احطه مع باقي المكونات بعد ما استوت اتركه تقريبا ٧ دقايق يستوي مع باقي الخلطه
- بعد ما تجانسو مع بعض افصل كميه من الخلطه و اتركها على جنب و اضيف ارز على الخلطه الي بالقدر و اخلطهم
- ثم اضيف ارز طبقه وبعدها باقي الخلطه و باقي الارز و اضغطهم عشان تكون طبقات
- اضع منقوع الزعفران و اتركها على نار هاديه ٢٠ دقيقه تقريبا
- نقلب القدر وبالعافيه 🌹🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد