→ كل الوصفات

مطلوع محشي ⁦❤️⁩

#سندويشات_سريعة وصفة من وصفات شهرزاد يجي خفيف و بنين 😋

  • 200 غ فرينة
  • 200 غ سميد رطب
  • ملعقة اكل خميرة الخبز
  • ملعقة قهوة ملح
  • ملعقة قهوة سكر
  • ماء دافئ
  • الحشو
  • 250 غ لحم مفروم
  • حبة جزر مبشورة
  • حبة بصل صغيرة مقطعة مكعبات
  • ملح وفلفل اسود حسب الرغبة
  • جبن مبشور اختياري
  • زيت
  1. فالاول نحط حفنة او كمية قليلة من السميد مع الخميرة و السكر و نخلط كلشي ثم نزيد الماء دافئ و نخليها تخمر
  2. ثانيا نجيب السميد و الفرينة و الملح نخلطهم مع بعض و نعجنهم بالماء الدافئ ثم نخليها نرتاح مدة 10 دقائق من جهة الخميرة ضاعف الحجم تاعها نضيفوها العجين و ندخلها فيه غير بالعقل حتى نتحصلوا على عجينة تتلاصق نغطيها و نخلوها تختمر
  3. من جهة نحط شوية زيت في مقلاة و نحط البصل مع الجزر و نقليهم حتى يذبالوا بعدها نضيف اللحم و الفلفل الاسود و الملح و نحرك مليح حتى يطيب اللحم نطفي و نحطوا يبرد
  4. بعدما خمرت العجينة تاعنا نقسمها و نشكلها خبزات بالاستعانة بالفرينة لانوا العجينة تلصق بزااااف رشوا كامل سطح العمل بالفرينة نحكم الخبزة نحلها و نحط الحشو فالوسط و نغلق عليها
  5. و نبسطها غير شوية و نخليها تريح في نفس الوقت الطاجين او المقلاة راها تسخن من الاحسن تخدموا بالخبزة و طيبوا انا تبعت الوصفة خدمتهم كامل و بديت نطيب و هما يخمروا بسرعة كي تقرب تنضج خبزة روحوا وجدوا الاخرى حتى تكملوهم
  6. شهية طيبة ⁦❤️⁩
عجبتك الوصفة؟
شوف كل وصفاتنا في مكان واحد
كل الوصفات →