→ كل الوصفات
وصفة حلوة ولذيذة ومشهورة في افران المصرية تنفع للأولاد في مدرسة او تعمليها لجوزك وهو رايح شغل او فطار وعملتلك جميع احجام بإذن الله هتعجبكم♥️ #مخبوزاتي_الجميلة
المقادير
- 3 كوب دقيق
- م ك بيكنج بودر
- 1/4 م ص ملح
- م ص خميرة
- م ك سكر
- 1/2 كوب ماء دافي (لخلطها مع الخميرة)
- 1/4 كوب زيت
- م ك صلصة (اختياري)
- 1/4 كوب ماء دافي للعجن
- جبن كريمي او لانشون او لحمة مفرومة كمية حسب الرغبه
- صفار بيضة + ملعقة صغيرة فانيليا
- حبة البركة حسب الرغبه
طريقة التحضير
- في بولة هحط الدقيق مع بيكنج بودر و ملح واخلطهم كويس
- و في بولة تانيه صغيرة هخلط خميرة مع سكر و نص كوب ماء الدافي واقلبهم كويس وبعدين احط الزيت و صلصة واقلب كويس
- بعدين هصبهم على بولة اللي فيها المواد الجافة واقلب كويس
- وبعدين انزل ب ربع كوب ماء دافي و اعجن كويس وبعدين احطها على رخامه وانزل عجن فيها افضل الم و افرد فيها لحد ماتبقى طرية وملساء
- اغطيها واسيبها تتخمر لمدة نص ساعة وبعدين اطلعها وابرمها رول و اقطعها لكور واغطيها واسيبها ترتاح ١٥ دقيقة علشان ماتبقاش استرتش في ايدك وشكلها يتغير
- ابدأ افرد كل كورة واحط الحشوة واقفل الاطراف كويس واشكلها على شكل بيضاوي شوية او زي فينو كده و ارصها في صينيه (طبعاً مقاسات اعمليها زي ماتحبي ممكن صغيرة او وسط) تكرري خطوات في باقي كور وترصصيهم في صينيه وتغطيهم وتسيبها نص ساعة
- وبعدين ندهنها بصفار بيض مخفوق مع فانيليا و ارش عليها حبة البركة وادخلها الفرن على ١٨٠° حوالي ٢٠ دقيقة تستوي بس في اخر دقيقتين افتحي الفرن من فوق تأخذ لون وتطلعيها وتغطيها بفوطة جافة علشان تحتفظ بانها تفضل طرية وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد