→ كل الوصفات
معجنات الخمس دقائق، أسرع معجنات بدون تخمير و لا جهد وأقل مكونات الوصفة اجت صدفه معايا كنت هعمل حوواشى و استعجلت و كسلت اخمر العجينه بعد ما عجنتها وقلت هحشيهاا واحطها فى الفرن وخلاص وزى ما تكون فوجئت أن لقيت العجينه منفوشة فوق ما انا محتاجة اصلا للحواشى و قطنية جدا جدا جدا و هشه،
المقادير
- 3 اكواب دقيق
- كوب واحد ماء دافئ
- 1/4 كوب زيت
- معلقة كبيرة خميرة
- معلقة كبيرة سكر
طريقة التحضير
- فى بولة العجن هنحط الماء و الزيت والخميرة و السكر و نقلبهم مع بعض
- هنضيف الدقيق للخليط وهنعجن كويس جدا بالعجان أو بأيدينا زى ما متوفر و بلاش بلاش نضيف اى مكون هى هتتماسك وتبقى زى الفل مع العجن المستمر المقادير مظبوطة جدا جدا مش محتاجة اى زيادة
- هنسيبها خمس دقائق ترتاح و احنا بنحضر الحشو و هنحشيها بأى حاجة تحبوها اى نوع جبن أو لحوم أو مربى أو شيكولاتة و نشكلها بأى طريقة نحبها
- هندهن الوش بلبن وبيض و نرش سمسم ، أو حبة البركة ، او جبنه رومى حسب الحشو إلى جوا
- هندخلها الفرن لمده ١٥ دقيقة على نار متوسطة
- هتطلع جميلة جدا جدا و هشة و قطنية جدا جدا و مناسبة الفطار أو العشاء أو تحلية أو وجبة جانبية
- ودى بالشيكولاتة و ممكن نحشيها كاستر أو مربى أو عجوه أو ملبن اى نوع حلويات
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد