→ كل الوصفات
طريقة عمل معجنات بالجبنة/لانشون/جبنة رومي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- معلقة كبيرة بيكنج بودر
- باكو خميرة فورية
- 3 معالق صغيرة سكر
- معلقة صغيرة ملح
- 2 كوب ونصف ماء
- 1 بياض بيضة واحدة
- فنجان زيت عليه معلقتين كبار سمنة
- جبنة
- لانشون
- صفار بيضة ومعلقتين خل ومعلقتين لبن ورشي سمسم وحبة البركة
طريقة التحضير
- هتحطي الخميرة والسكر على كبايتين ونص ماء يتخمرو وبعدين في بولة تحضري الدقيق والملح والبيكنج بودر ولم الخميرة تتخمر تقلبيها عليهم وتعجني تعجني ولم تلاقي الدقيق شرب الماء الدافية تحطي بياض البيضة والزيت والسمنة وتكملي عجن فيها حبة حلوين لحد ما تبقي طرية وحلوة تسبيها ساعة كدا ترتاح وتبداي تشتغلي ♥
- هتاخدي كورة وتبداي تعجنيها اي حشوة انتي حباها وممكن تسيبيها سادة وتاكليها مع شاي وجبنة بس انا حشيتها جبنة ولانشون على جبنة رومي وانتي زي ما تحبي وبعد ما تحشيها سيبيها ترتاح ♥
- ودهني الصينية زيت كويس او سمنة علشان العجينة متلزقش فالصنية وتدهنيها على الوجه صفار البيضة الباقية ومعلقتين خل ومعلقتين لبن ورشي سمسم وحبة البركة لو عاوزة وسبيها ترتاح بردو شوية ودخليها على درجة حرارة ١٨٠ من تحت بس خدي بالك لان بتتلسع بسرعه وبتنفش في الفرن ♥
- تقفي جنبها ولم تخلص من تحت حمريها من فوق بسيط كدا يذوب تأخذ لون تحميرة وبس كدا وتجيبي فوطة مبلولة ماء او ترشي عالمعجنات نفسها شوية ماء وتغطيها على طول بفوطة ناشفة علشان متنشفش وتسبيها بقى لم تبرد بس كدا بألف هناا على قلبكوو 🤭♥♥♥
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد