→ كل الوصفات
معجنات هشة ولذيذة 😋جداً وتحشيها الحشوات المفضلة عندك جبن، لحوم زي ما إنتي عاوزه.. جربيها وإن شاء الله هتعجبك 👌😍
المقادير
- 3 كوب دقيق
- 2 ملعقة كبيرة لبن بودرة
- 2 ملعقة كبيرة زبادي
- 1 ملعقة كبيرة خميرة
- 1 ملعقة كبيرة سكر
- 1/4 كوب زيت
- 1 بيضة
- رشة صغيره من الملح
- 3/4 كوب ماء دافئ
- 1 ملعقة كبيرة خل
- كمية من ميكس الجبن
- جبنة فيتا
- بسطرمة
- 1 صفار بيضة
- 2 ملعقة كبيرة لبن
- 1 ملعقة كبيرة خل
- كمية من السمسم
- كمية من حبة البركة
طريقة التحضير
- أولا في طبق غويط حوطي الدقيق والسكر واللبن البودرة والخميرة ورشة الملح وقلبيهم مع بعض كويس وبعد كدة حوطي الزيت والزبادي والخل وبياض البيضة بس وخودي الصفار عشان تدهني بيه وجه المعجنات😍
- ضيفي بعد كدة الماء الدافئ وأعجني العجينة كويس جداً متبخليش على العجينة في العجن عشان تكون حلوة معاكي وأعجني مش اقل من 7 دقائق عشان تكون طرية معاكي وتتكون معاكى عجينه ملساء وبتلزق شوية 😍
- غطي العجينة بعد العجن وسيبيها تختمر لمدة ساعة وبعد لما تختمر كوري العجينة كور صغيرة بحجم البيضة وحوطي الكور في طبق كبير مرشوش بالدقيق 😍
- خودي كورة من العجين وافرديها بالنشابة وإعملي فيها خطوط بالسكينة بس متوصليش الخطوط لآخر العجينة عشان تحوطي الحشوة وحوطي الحشوة المفضلة عندك ميكس جبن وبسطرمة أو جبنة فيتا أي حشوة بتحبيها وبعد كدة لفيها رول وقفليها من الجانبين😍
- خلصي بئا كل كمية العجين بالشكل دة أو ممكن تشكلي العجين أشكال مختلفة زي ما تحبي وبعد كدة حوطي المعجنات في صينية مدهونة بالزيت وسيبيها تختمر تاني لمدة 10 دقائق 😍
- إدهني المعجنات بخليط الدهن وهو صفار البيضة على اللبن والخل وقلبيهم مع بعض كويس وادهني كل المعجنات ورشي عليها سمسم وحبة البركة ودخلي الصينية الفرن على درجة حرارة 200 لمدة 20 دقيقة تقريباً ولما تستوي ووشها يتحمر خرجيها من الفرن وغطيها لمدة 10 دقائق عشان تكون طرية معاكي😍
- قدمي المعجنات بعد كدة على الفطار أو العشاء بجد رووووعه وهشة جربيها وإن شاء الله هتعجبك جداً وبالعافية عليكي حبيبتي 😘💞🌹
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد