→ كل الوصفات

معجنات بحشوة الجبنة الرومي والبسطرمة 😋💓

معجنات بسيطه ولذيذة تاكليها في الفطار او العشا هتعجبك جدا ومقاديرها بسيطة وحشوة الجبنة الرومي مع البسطرمة ميكس حلو أوي😉👌 #طبختها_بحب

  • 3 كوب دقيق
  • 2 ملعقة كبيرة زبادي
  • رشة ملح
  • 2 ملعقة كبيرة لبن بودرة
  • 1 ملعقة كبيرة سكر
  • 1/4 كوب زيت
  • 1 كوب ماء دافئ
  • 1 ملعقة كبيرة خميرة
  • 1 ملعقة كبيرة خل
  • للحشوة
  • جبنة رومي
  • بسطرمة
  • لدهان الوجه
  • 3 ملاعق كاتشب
  1. أولا نحضر طبق غويط ونضع فيه الدقيق والسكر ورشة الملح ولبن البودرة والخميرة ونقلبهم مع بعض وبعد كدة نضع الزيت والزبادي والخل ونضيف الماء بالتدريج ونعجن العجينة لحد لما تكون عجينه ملساء وبتلزق شوية وأعجني كويس متبخليش على العجينة في العجن عشان تكون حلوة معاكي😍
  2. بعد لما تعجني كويس إحضري طبق غويط وحوطي فيه حبة زيت وحوطي العجينة فية وغطى الطبق وسيبي العجينة تخمر ساعة😍
  3. بعد كدة كوري العجينة كور صغيرة وحوطيها في صينيه مرشوشة دقيق وغطى كور العجين بفوطة مطبخ نظيفة 😍
  4. إحضري كورة من العجين وافرديها بأيدك او بالنشابة وحوطي حشوة الجبنة الرومي والبسطرمة وأقفلي العجينة وظبطيها لحد لما تكون زي الشكل اللي في الصورة 😍
  5. كملي بئا كل كور العجين كدة وبعدين حوطيهم في صينيه مدهونة بالزيت ممكن تاخد معاكي صينيتين او ثلاثة حسب حجم الصينيه عندك وبعد كدة سيبيها تخمر تاني 1/4 ساعة وبعدين أدهني وشها بالكاتشب بفرشة الدهان ورشي عليها سمسم وحبة البركة😍
  6. دخلي الصينيه الفرن على درجة حرارة 200 حوالي 1/4ساعة وبعد لما تستوي خرجيها من الفرن وغطيها بفوطة مطبخ نظيفة عشان تكون طرية معاكي وقدميها بعد كدة بجد حلوة اوي وطعم الجبنة الرومي مع البسطرمة ميكس حلو أوي جربيها هتعجبك جدا وبالعافيه عليكى حبيبتي 😘💕🌹😍
عجبتك الوصفة؟
شوف كل وصفاتنا في مكان واحد
كل الوصفات →