→ كل الوصفات
معجنات سهلة وبسيطة وطعمها لذيذ وحشوة الجبنة الرومي مع الجبنة الكريمي حلوة جداً وممكن تستبدلي الحشوة بأي حاجة تفضليها😍 #٣_وصفات
المقادير
- 3 كوب دقيق
- 1 ملعقة كبيرة سكر
- 1 ملعقة كبيرة خميرة
- 2 ملعقة كبيرة زبادي
- 1 بيضة
- رشة ملح
- 1 ملعقة صغيرة خل
- 1 كوب لبن دافئ
- 1/4 كوب زيت
- سمسم وحبة البركة
- جبنة رومي
- جبنة كريمي أو جبنة مثلثات
طريقة التحضير
- أولاً في طبق غويط نضع الدقيق والسكر والخميرة ورشة الملح وبياض بيضة ونسيب الصفار عشان ندهن بية وجه المعجنات ونضع الزبادي والزيت والخل ونضيف اللبن حبة حبة ونعجن المكونات مع بعض كويس حوالي ٧دقائق إلى أن تتكون عجينة ملساء وبتلزق شوية متبخليش على العجينة في العجن عشان تكون حلوة معاكي 😍
- بعد كدة نضع العجينة في طبق غويط مدهون بالزيت ونغطيها ونسبها تختمر حوالي ساعة وبعد لما تختمر نكورها كور صغيرة ونضعهم في صينيه مرشوشه بالدقيق ونغطيها بفوطة مطبخ نظيفة وبعدين نأخذ كورة من العجين ونفردها بالنشابة ونعمل خطوط بالسكينة في العجينة بس خطوط في وسط العجينة بس و ماتوصليش لآخر طرف العجينة وبعدين تحوطي حشوة الجبنة الرومي والكريمي وتلفيها رول😍
- بعد لما تلفيها رول حوطيها في صينية مدهونة بالزيت وكملي كل الكمية بالشكل دة وسبيها تختمر تاني حوالي 10دقائق وبعدين إدهني وجهها بصفار بيضة عليه ٣ ملاعق لبن ورشة فانيليا و1/4ملعقة خل ورشي عليها سمسم وحبة البركة ودخليها الفرن على درجة حرارة 200 حوالي 20 دقيقة ولما تستوي خرجيها من الفرن وغطيها وسبيها 10دقائق عشان تكون طرية معاكي وبعدين قدميها بعد كدة بجد روعه جربيها هتعجبك جداً وبالهنا والعافية يارب😘😍❤️🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد