→ كل الوصفات

معجنات بحشوة الفراخ بالكاتشب وميكس الجبن😋💓

#تحدي_العجين

  • 3 كوب دقيق
  • 1 ملعقة سكر كبيرة
  • 1 ملعقة خميرة كبيرة
  • رشة ملح
  • 3 ملاعق زبادي
  • 1 كوب لبن دافئ
  • 1/4 كوب زيت
  • لحشوة الفراخ نحتاج
  • 1/2 كيلو صدور فراخ مقطعة قطع صغيرة
  • 1 بصلة مبشورة
  • 3 فصوص ثوم مهروس
  • 1 ملعقة كبيرة كاتشب
  • 1/2 ملعقة ملح
  • 1/2 ملعقة فلفل أسود
  • 1/2 ملعقة بهارات فراخ
  • 1/2 ملعقة بابريكا
  • فلفل أخضر وممكن فلفل ألوان
  • ميكس جبن (رومي_موتزاريلا_شيدر)
  1. أولا لتحضير العجينة بنجيب طبق غويط ونضع فية الدقيق ورشة الملح والخميرة والسكر ونقلبهم مع بعض كويس وبعدين نضيف الزبادي والزيت ونضيف اللبن حبة حبة ونعجن المكونات مع بعض كويس مش أقل من ٧ دقائق عشان تتكون معانا عجينة ملساء مش بتلزق☺️ وبعدين نضعها في طبق غويط مدهون بالزيت ونغطيها ونسبها تختمر حوالي ساعة ☺️
  2. لتحضير حشوة الفراخ :بنجيب مقلاية ونضع فيها زيت وذبدة ونضعها على النار ونضع فيها مكعبات الفراخ ونقلبهم ونضع عليها الملح والفلفل والبابريكا وبهارات الفراخ ونقلبهم مع بعض كويس وبعدين نضيف البصل والثوم ونقلبهم مع بعض ونغطيها حوالي ٥ دقائق وبعدين نضيف الكاتشب والفلفل الأخضر ونقلبهم وبعدين نقفل النار ونسبها تبرد☺️
  3. بعد لما تختمر العجينة بنكورها كور بحجم البيضة وبعدين نأخذ كورة من العجين ونفردها ونضع الحشوة في منتصف العجينة بالطول ونضع عليها الجبن ونقفلها من الطروف كويس وبعدين نقلبها ونضعها في صينية مدهونة بالزيت ونخلص كل الكمية بالشكل دة ونسبها تختمر تاني حوالي 1/4ساعة وبعدين ندهن وجهها بصفار بيضة عليه 3 ملاعق لبن ورشة فانيليا و1/4ملعقة خل ونرش عليها سمسم وحبة البركة وندخلها الفرن على درجة حرارة 200 ولما تستوي نخرجها من الفرن ونغطيها ونسبها 10دقائق عشان تكون طرية معانا وقدميها بعد كدة وبالهنا يارب😍🤗💕
عجبتك الوصفة؟
شوف كل وصفاتنا في مكان واحد
كل الوصفات →