→ كل الوصفات

معجنات بحشوة فاهيتا الدجاج😋💓

معجنات لذيذة وهشة جداً وحشوة الفاهيتا مع المعجنات بجد روعه جربيها هتعجبك أوي 👌😋😍 #الشيف_الذهبي #فاهيتا_الدجاج

  • 🔸للعجينة نحتاج
  • 3 كوب دقيق
  • 2 ملعقة كبيرة زبادي
  • 1 بيضة
  • 1/4 كوب زيت
  • 1 كوب لبن دافئ
  • 1 ملعقة كبيرة خميرة
  • 1/2 ملعقة صغيرة بيكنج بودر
  • رشة ملح
  • 1 ملعقه صغيرة سكر
  • 1 ملعقة صغيرة خل
  • سمسم وحبة البركة
  • 🔸لحشوة الدجاج نحتاج
  • 2 صدور دجاج مقطع قطع صغيرة
  • 1 بصلة كبيرة مفرومة
  • 4 فصوص ثوم مهروس
  • 2 حبة فلفل ألوان
  • 1 حبة فلفل اخضر
  • 1/2 ملعقة صغيرة فلفل اسود
  • 1/2 ملعقة صغيرة بهارات فراخ
  • 1/2 ملعقة صغيرة ملح
  • 1/2 ملعقة صغيرة بابريكا
  • 1 ملعقه كبيرة كاتشب
  • 1/4 كوب زيتون أخضر
  • 3 ملاعق كبيرة زيت وملعقة ذبدة
  1. أولاً لتحضير العجينة نحضر طبق غويط ونضع فية الدقيق والبيكنج بودر والخميرة والسكر ورشة الملح ونقلبهم بعد كدة نضع الزبادي والبيضة والزيت والخل ونضيف اللبن حبة حبة ونعجن المكونات مع بعض كويس لحد لما نحصل على عجينة ملساء وبتلزق شوية ونعجن مش أقل من ٧ دقائق عشان تكون معاكي عجينه حلوة وهشة😍
  2. نحضر طبق غويط ونضع فيه حبة زيت وبعدين نضع العجينة ونغطيها ونسبها تخمر حوالي ساعة وبعد لما تخمر نكورها كور صغيره ونضعهم في صينيه مرشوشه بالدقيق ونغطيها بفوطة مطبخ نظيفة وبعدين ناخد كورة من العجين ونفردها بالنشابة ونضع فيها حشوة الفاهيتا ونلفها زي العيش الفينو وبعدين نضعها في صينيه مدهونه بالزيت ونكمل كل الكمية بالشكل دة ونسبها تخمر تاني حوالي 1/4ساعة وبعدين ندهن وشها بصفار بيضة علية ٣ ملاعق لبن ورشة فانيليا و1/4ملعقة خل ونرش عليها سمسم وحبة البركة وندخلها الفرن على درجة حرارة ١٨٠ حوالي نصف ساعة
  3. بعد لما تستوي ووشها يتحمر خرجيها وغطيها 10دقائق عشان تكون طرية معاكي وبعدين قدميها بعد كدة بجد روعه جربيها هتعجبك جداً 😍
  4. لحشوة فاهيتا الفراخ:بنحضر مقلايه ونضعها على النار ونضع فيها زيت وذبدة وبعد كدة نضع عليهم الفراخ المقطعه وطبعاً الفراخ مغسوله بالملح والخل وبعدين نحمر الفراخ شوية وبعد كدة ننزل عليها بالملح والفلفل والبهارات والبابريكا ونقلبهم وبعدين نضيف البصل والثوم ونقلبهم مع بعض وبعدين نضيف الكاتشب ونقلبهم كويس 😍
  5. آخر خطوة بنضيف الفلفل الألوان بنقطع الفلفل ونضيفوا على الفراخ وبعد كدة نضيف الزيتون الأخضر ونقلبهم وبعدين نقفل النار على الفراخ ونسبها تبرد لحد لما نستخدمها في حشوة المعجنات😍
  6. جربي طريقة المعجنات دي حلوة أوي وحشوة الفاهيتا روعة بجد جربيها هتعجبك جداً وبالهنا والعافية يارب عليكي حبيبتي 😘😍🌹❤️🌼
عجبتك الوصفة؟
شوف كل وصفاتنا في مكان واحد
كل الوصفات →