→ كل الوصفات

معجنات سكر وقرفة، جبنة وزيتون

#مريولي_باسمي

  • 4 كوبايات دقيق
  • م ص ملح
  • م ص شيف كيك
  • 2 م ص خميره فوريه
  • 5 م ص سكر
  • 6 م ك زيت
  • كوبايه ماء دافي
  1. ننخل الدقيق في بوله ونحط عليه الملح والبيكنج بودر ونقلبهم
  2. كوب مياه دافيه "او لبن او نص ونص" عليها السكر والخميره ونقلبها ونسيبها دقيقه عشان نختبر الخميره ولما تعمل فقاقيع نفضيها على البوله واحدة واحدة ونعجن
  3. ونضيف عليهم الزيت ونعجن لمده 10 دقائق على الاقل، لحد متكون عجينه ناعمه ومش بتلزق نخليها تختمر لمده ساعة او ازيد
  4. هنقطع العجينة كور ونحشي جواها سكر وقرفة او اي حشو وندهن الصينية زيت(الحشو جبنة وزعتر /جبنة وزيتون/شوكولاته /مربى/فاهيتا)
  5. هنا فردتها عشان كنت عايزه حشو جبنة والفها باتيه لكن السكر والقرفه كوره بنحط السكر والقرفه ونكورها تاني ونضغط عليها عشان تتفرد
  6. نسيبها تختمر على الاقل ساعة الا ربع تاني وقبل متدخل الفرن نمسح على الوجه"لبن وعليه رشة قهوة سريعة الذوبان" وحبه البركه او سمسم واول متخرج من الفرن نمسح على وجهها ب مياه ونغطيها بفوطه عشان تكون طريه
  7. ولو عايزينها تلمع نضيف قبل التسويه على طول عسل بمياه وندهن الوجه او صفار بيضة مع شويه حليب او مياه تدخل علي180° تحمر من تحت ونشغل شوايه تأخذ لون فوق وبالف هنا🩵
عجبتك الوصفة؟
شوف كل وصفاتنا في مكان واحد
كل الوصفات →