→ كل الوصفات

معجنات طرية وهشة بالسوسيس

#معجنات معجنات خفيفه وطعمه حلو اوي وطرية وهشة تقدري تخليها ف لانش بوكس لاولادك او جوزك يفطروا بيها

  • 1/4 كوب حليب بودر
  • 1/4 كوب سكر
  • 1/4 كوب زيت (يفضل زيت زيتون)
  • م ك خميرة
  • م ص بيكنج بودر
  • 1/2 م ص ملح
  • كوب حليب دافي او ماء دافي بس يفضل حليب
  • 3 اكواب دقيق قابلة للزيادة أو النقصان
  • للحشوة
  • سوسيس
  1. نجيب بولة نحط فيها كل مكونات ماعدا الدقيق ونخلطهم كويس
  2. وبعدين ننزل الدقيق بالتدريج ونعجن لحد مانوصل لعجينه متماسكه
  3. نعجن كتير اوي و نعجن ع رخامه لحد ما العجينه تكون ملساء مفيهاش اي تجديعات ومتماسكة
  4. نجيب بوله مدهونه زيت خفيف نحط فيها العجينه وبفرشه زيت خفيفه ندهن العجينه من فوق بردو ونغطيها بالرول استرتش ونسيبها تتخمر ساعة
  5. نقطع سوسيس بالطول نصين
  6. نسخن الفرن ع درجه حراره اعلى شويه من الوسط
  7. ونجيب العجينه نفدرها ع رخامه مرشوش خفيف عليها دقيق نفرد العجينه ع شكل مستطيل متوسط سمك ونقسم العجينه بالطول والعرض لمربعات تساويه ف الطول والعرض وتقدري تستخدمي مسطرة
  8. همسك كل مربع لوحده وهقسمه من العرض لاربع خطوط بس مش هتقطعيهم لحد اخر لا هتسيب حته زي ما في صورة هتلاقيها عملت معاكي ٥ شرايط او ع حسب ما انتي قطعتي العجينه
  9. نبدأ نشيل شريطه اه وشريطه لا زي ما في صورة بالظبط
  10. هنرص سوسيس عليها وبعدين هنزل شرايط اللي اترفعت ونرفع اللي مكنوش مرفوعين ونحط سوسيس وننزلهم ونعيد خطوه هتاخد بتاع ٣:٤ سوسيس هنقفل اخر الطرف كويس اوي هنلزق اواخر شرايط العجينه جنب بعض كويس زي مافي صور
  11. ممكن تعملي شكل تاني هتجيبي العجينه وتحطي سوسيس ف النص وهتبداي تعمل شرايط صغننه من طرفين زي مافي صوره بس مش قصاد بعض اوي يعني واحده اللي ع يمين هتعملي اللي قصادها ف شمال سنه تحت شويه وهنرص سوسيس ونضفرها ونقفلها من تحت كويس
  12. هنرصصها ف صينيه مدهونه زيت خفيف و هنكون خفقت بيضه ع جنب ادهن بيها وش المعجنات ونحطها ف الفرن تستوي ووشها يحمر وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →