→ كل الوصفات

معجنات فم السمكة🐟 بدون فرن وبعجينة سهلة وبسيطة وطعم لذيذ 👌🏻😋💗

معجنات فم السمكة🐟 من المعجنات اللذيذة والسهلة في التحضير👌🏻 مكوناتها بسيطة متوفرة في مطبخك ممكن تعمليها بدل الساندوتشات🥖 لأطفالك في أيام الدراسة في الانش بوكس او كنوع من أنواع وجبات الفطار أو العشا بجد حلوة جداً جربيها بنفسك وشوفي الجمال واللذاذة 😋😍

  • 3 كوب دقيق
  • 1/4 كوب سمنة أو زبدة
  • 1 بيضة
  • 1 ملعقة كبيرة سكر
  • 1 ملعقة كبيرة خميرة فورية
  • رشة صغيرة من الملح
  • 1/2 كوب حليب
  • 1/4 كوب ماء
  • 1 ملعقة كبيرة خل
  1. أولاً جيبي حاجة مناسبة وحوطي فيها الدقيق والسكر والخميرة ورشة الملح وقلبيهم مع بعض كويس 😍
  2. ضيفي البيضة والخل والسمنة أو الزبدة وتكون بدرجة حرارة الغرفة وبعد كدة ضيفي الحليب والماء وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي وبعد كدة غطي العجينة وسيبي العجينة تختمر لمدة نصف ساعة⏰ 😍
  3. جيبى العجينة وأفرديها على مفرش سليكون مرشوش بالدقيق بحيث يكون سمكها 2 سم مش رفيعة ومش تخينة وقطعي العجينة دوائر بقطاعة مناسبة أو كأس أو كوباية حسب المتوفر عندك 😍
  4. جيبى مقلاية وحوطي فيها زيت وهدي النار وبعد كدة حمري دوائر العجينة وانتي بتحمريها قلبيها كل شوية وحاولي حوطي زيت عليها من فوق عشان تتنفخ معاكي ولما يكون لونها ذهبي حلو خرجيها من المقلاية وحوطيها في طبق وخلصي كل الكمية بالشكل ده 😍
  5. بعد لما تبرد شوية افتحي المعجنات بالسكينة واحشي الحشوة المفضلة عندك أنا حشتها جبنة بالطماطم والفلفل الأخضر وحشتها كمان جبنة رومي وخيار انتي ممكن تحشيها لانشون او بسطرمة او جبنة كريمي أو تونة حسب ذوقك ورغبتك بجد حلوة أوي ولذيذة لو جربتيها مرة مش هتبطلي تعمليها بعد كدة 😍🤩
  6. 😋😋😋😋😋😋
  7. 😋😋😋😋😋😋😋
  8. ودي طريقة الجبنة بالطماطم لو حبة تعمليها وتجربيها 👇🥰
عجبتك الوصفة؟
شوف كل وصفاتنا في مكان واحد
كل الوصفات →