→ كل الوصفات
طريقة عمل معجنات كتير بعجينة واحدة هشة وطرية 🥐🥖 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لكل 3 كوب دقيق
- معلقة خميرة فورية
- معلقة سكر
- كوب لبن دافئ
- بيضة بدرجة حرارة الغرفة
- 1/4 كوب زيت
- رشة ملح
- معلقة خل صغيرة
- صفار بيضة
- فانيليا
- نقطتين خل
- سمسم
طريقة التحضير
- هنضيف الخميرة والسكر للبن الدافئ مايكونش سخن ونقلب كويس وبعدين نضيف البيضة والزيت ومعلقة خل صغيرة ونقلب
- نحط الدقيق ورشة الملح ونقلبهم كويس ونحطها على سطح الرخامة او صينيه ونحط دقيق ونعجن مش اقل من ١٠ دقائق لحد مالعجبنة تبقى ناعمة ومش بتلزق ولو احتاجت ماء دافية او دقيق نضيف حاجة بسيطة
- نجيب بولة كبيرة وندهنها زيت ونحط فيها العجبنة ونغطيها ونسيبها ساعة تختمر
- نجيب العجينة بعد ماتخمر ونقطعها كور صغيرة ونغطيها ونسيبها تختمر ثاني نص او ربع ساعة
- نأخذ الكور ونفردها ونحط جواها السوسيس ونلفها ونقطعها صغير او نفردها ونيجى من عند الحرف ونعمل شرط بالسكينة ونحط جواها السوسيس ونلفها
- او نأخذ العجينة الكور ونفردها ونحط فيها حتة جبنة او ملعقة صغيرة نوتيلا او قطعة شوكولاتة ونلفها ونقفلها كويس عشان ماتفكش ونقطعها صغير او نيسبها زي الساندوتش
- او نأخذ الكورة وندهنا كاتشب ونحط طماطم وفلفل وزتون وسوسيس او بسطرمة او اي حاجة ممكن خضروات بس وشوية جبنة رومي وكده عملنا ميني بيتزا
- المهم اننا اي كان ال هنعمله نغطيها ونسيبها تختمر ربع ساعة لحد ماحجمها يتضاعف وبالنسبة للكرواسون والساندوتشات نجيب صفار بيضة ونقطتين خل ورشة فانيليا وندهنها بيها ونرش عليها سمسم وندخلهم الفرن من ٢٠ ل ٢٠ دقيقة لحد ماتاخد لون ذهبي وتستوى وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد