→ كل الوصفات

معجنات هشه وزى القطن بالظبط

طريقة عمل معجنات هشه وزى القطن بالظبط سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو دقيق
  • كوبين لبن
  • معلقه كبيره سكر
  • كيس خميره فوريه
  • 1/2 كوب زيت
  • رشه ملح
  • حبة البركة للتزيين
  • 2 بيض
  • الحشو
  • جبنة فيتا وعليها سبانخ او فراخ او لحم مفروم
  1. ننخل كيلو الدقيق نحط عليه رشه ملح
  2. نحضر بوله عميقه نفصل البيض البياض وصفار هنحتاجة لدهن وجة المعجنات في حاله المعجنات محشيه اي نوع سوى خضار فراخ لحم اما في حاله الميني بيتزا نضيف البيض كامل بدون فصل البياض عن الصفار
  3. نحط في البوله ملعقة السكر +بياض البيض فقط ونضربهم مع بعض جامد
  4. نضع ملعقة الخميره على كوبين اللبن الدافئ ثم نتركه يتفاعل لمده نصف ساعة
  5. بعد ماتفاعل اللبن الدافئ مع الخميره ننزلهم على ملعقة السكر والبياض البيض ثم ننزل بالدقيق المنخول بالتدريج لغايه مايلم معايا العجين وننزل عليهم بنصف كوب الزيت ونغطيه بالاستريش ثم نتركه يتخمر لمده ساعة
  6. ثم نرش دقيق على سطح الرخامه ونقوم بتقسيم العجين بالسكين نعمل فيه علامه +يعنى هيطلع معانا ثلاث ارباع اربع كور متقسمين بالتساوى وناخد كوره نقوم بفردها ونكون محضرين كوب شاي نقطع بيها العجين لدواير في حاله عمل الميني بيتزا
  7. اما في حاله المعجنات المحشيه نعمل الشكل اللي يناسبنا ونقوم بحشو العجين جبنة فيتا وعليها سبانخ او فراخ او لحم مفروم الحشوات حسب الرغبه والمفضل لديك ونقوم بدهن المعجنات المحشيه بصفار البيض ونرش عليه حبه البركة والى الفرن بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →